Qazaqstan ústel tennısinen álem chempıonatynyń eki joldamasyn jeńip aldy
ASTANA. QazAqparat – Qazaqstan ústel tennısinen álem chempıonatynyń eki joldamasyn jeńip aldy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen málim etkenindeı, bul qos joldamaǵa qazaqstandyqtar Qatarda Azııanyń irikteý týrnırinde ıe boldy.
Qazaqstandyq ústel tennısi sheberleri Qytaı, Japonııa, Koreıa, Iran, Úndistan jáne Sıngapýr elderiniń sport juldyzdarymen baq synasty.
Ońtústik Afrıkada ótetin álem chempıonatyna irikteý jarysynda Kırıll Gerasımenko – Alan Qurmanǵalıev jáne Aıdos Kenjeǵulov – Záýresh Aqasheva juptary joǵary deńgeıde óner kórsetti.
Sheshýshi kezdesýde Gerasımenko men Qurmanǵalıev ırandyqtar Nıma men Noshad Alamııandy (4:0), Kenjeǵulov pen Aqasheva úndistandyqtar Sharat Achanta – Sreah Akýlany (4:3) tize búktirdi.
Eske sala keteıik, budan buryn ústel tennısinen qazaqstandyqtyń alǵash ret álem chempıonatynda altyn alǵanyn jazǵan bolatynbyz.
Sondaı-aq qysqy ýnıversıadada Qazaqstan namysyn 78 sportshy qorǵaıdy.
