Qazaqstan úshinshi el taýarynyń astynda qalady degen qaýip shyndyqqa saı emes - «Atameken» UEP

ASTANA. 23 mamyr. QazAqparat - Qazaqstan úshinshi el taýarynyń astynda qalady degen qaýip shyndyqqa saı emes. Bul týraly búgin elordadaǵy Táýelsizdik saraıynda ótip jatqan VI Astana ekonomıkalyq forýmy aıasyndaǵy sessııada «Atameken» Ulttyq ekonomıkalyq palatasy basqarmasy tóraǵasynyń orynbasary Rahymjan Oshaqbaev aıtty.

«Qoǵamdyq ortada qazirgi ýaqytta Qazaqstannyń Biryńǵaı ekonomıkalyq keńistikke kirýinen belgili bir dárejede teris saldar bar, al eger biz DSU-ǵa kirer bolsaq, onda tipti ózimizdiń óndirisimizdi joǵaltamyz degen pikir oryn alýda», - dedi ol.

Onyń atap ótýinshe, Kedendik odaqqa kirgennen keıin tarıfterdiń ortasha deńgeıi 6,2 paıyzdan 11,4 paıyzǵa deıin kóterilgen. ıAǵnı ósim 5,2 paıyzdy quraıdy. Al Dúnıejúzilik saýda uıymyna kirgennen keıin tarıfter deńgeıi Reseımen teńestiriledi. Degenmen, qalaı bolǵanda da ol Qazaqstan Keden odaǵyna kirgenge deıingi deńgeıden joǵary bolady. ıAǵnı, Qazaqstan Keden odaǵyna kirgenge deıin tarıfterdiń barynsha lıberaldy deńgeıin ustanǵan bolatyn. Sondyqtan Qazaqstan úshinshi el taýarynyń astynda qalady degen qaýip shyndyqqa saı emes.