Qazaqstan úshin ýaqyttyń jańa esebi bastaldy - Elbasy
ASTANA. 7 jeltoqsan. QazAqparat - Qazaqstan úshin ýaqyttyń jańa esebi bastaldy. Búgin «Nazarbaev Ýnıversıtetinde» dáris oqyǵan Elbasy Nursultan Nazarbaev, dáristen keıin stýdentterdiń qoıylǵan saýaldaryna bergen jaýabynda osylaı dedi.
«Sammıt kúnderi bizdiń Astanamyz Helsınkı, Parıj, Lıssabon, Býdapesht, Ystambul sııaqty qalalarmen terezesi teń boldy. Astana álemge tanyldy. Oǵan qosa, búkil álem Qazaqstandy túrli qyrynan - mádenıeti, bilim berý salasy, óńirlerdiń damýy turǵysynan tanydy. Qazaqstan úshin ýaqyttyń jańa esebi bastaldy deýge bolady. Biz osyndaı deńgeıge kóterildik jáne endi budan tómen túspeýimiz kerek», - dedi Prezıdent óz sózinde.
Elbasy sondaı-aq qazaqstandyqtardan Sammıttiń sátti ótkizilýimen quttyqtaǵan myńdaǵan jedelhat alǵanyn aıtyp ótti.
