Qazaqstan úshin qurt aýrýynyń ózektiligi saqtalyp tur - DSM
ASTANA. QazAqparat - Qazaqstan úshin qurt aýrýy ózekti kúıinde saqtalyp tur. Búgin Májilistegi Úkimet saǵatynda Densaýlyq saqtaý mınıstri Salıdat Qaıyrbekova osylaı málimdedi.
Mınıstrdiń sózine qaraǵanda, búgingi kúni týberkýlez boıynsha epıdemıologııalyq ahýaldy qalypty ustap turýǵa qol jetkizildi. Máselen, memlekettik baǵdarlamany júzege asyrýdyń alǵashqy kezeńinde bul kórsetkish 15 paıyzǵa, al osy aýrýdan bolatyn ólim-jitim deńgeıi 24,3 paıyzǵa tómendegen.
«Týberkýlez ınfektsııasynyń aldyn alý úshin ınfektsııalyq baqylaý júıesin engizý asa mańyzdy shara. Muny halyqtyń bıoqaýipsizdigin qamtamasyz etetin keshendi shara retinde de qarastyrýymyz kerek. Sondyqtan biz osy máseleni túbegeıli sheshý maqsatynda oblystarmen birlese otyryp, Qazaqstan Respýblıkasyndaǵy týberkýlezben kúrestiń 2020 jylǵa deıingi vedomstvoaralyq is-qımyl josparlaryn daıyndadyq. Bul qujat jaqyn arada Úkimetke joldanady», - dedi mınıstr S.Qaıyrbekova.
