Qazaqstan úshin Kaspıı sektorynyń ózine qarasty bóligin barlaýǵa qatysty esh kedergi joq - Á.Maǵaýov
Parlament Senatynyń jalpy otyrysynda Energetıka vıtse-mınıstri Áset Maǵaýov osylaı málim etti. Eske salsaq, jalpy otyrysta «1998 jylǵy 6 shildedegi Qazaqstan Respýblıkasy men Reseı Federatsııasy arasyndaǵy Jer qoınaýyn paıdalanýǵa arnalǵan egemendik quqyqtardy júzege asyrý maqsatynda Kaspıı teńiziniń soltústik bóliginiń túbin mejeleý týraly hattamaǵa ózgerister engizý týraly hattamany ratıfıkatsııalaý týraly» QR Zańy qabyldanǵan bolatyn.
Zań jobasyn talqylaý barysynda senator Ahan Bıjanov Kaspıı teńiziniń keni óńirdegi kúrdeli geosaıası, strategııalyq másele ekenin aıtty. «Teńizdiń ásirese túbin mejeleýge baılanysty basqa memlekettermen aradaǵy qazaqstandyq ustanym qalaı órbip jatyr» dep suraǵan bolatyn senator.
Óz kezeginde vıtse-mınıstr Kaspıı teńiziniń túbin mejeleý boıynsha Reseımen arada kelisimge qol qoıylǵanyn atap ótti. «Ol kelisim ortalyq modıfıtsıkatsııalanǵan jelini bildiredi. Osynyń arqasynda biz teńizdiń qazaqstandyq sektorynda munaıdy izdeý, barlaý jumystaryn bastap kettik. Dál osyndaı kelisim Qazaqstan men Ázerbaıjan, Túrkimenstan arasynda da bar. Jalpy Kaspıı teńiziniń túbin mejeleýge qatysty kóptegen suraqtar Iranmen arada bar. Degenmen, ol bizge qatysty emes desek te bolady, óıtkeni, ol elmen shekaramyz joq. Jalpy, qasymyzdaǵy shektesetin eldermen joǵaryda atalǵan kelisimderge qol qoıdyq. Sonyń arqasynda jumystardy bastaýǵa bolady dep esepteımiz, bizge esh kedergi joq», - dedi Á. Maǵaýov.
