Qazaqstan úshin bolashaqtyń energııasy - halqymyzdyń tutastyǵy - QHA-nyń Astananyń EHRO-2017 kórmesin ótkizý quqyǵyna ıe bolýyna oraı quttyqtaýy

ASTANA. 23 qarasha. QazAqparat - Qazaqstan halqy Assambleıasy Halyqaralyq kórmeler bıýrosynyń 152-shi Bas Assambleıasynyń sheshimimen bizdiń súıikti elordamyz Astana qalasyna EHRO 2017 Halyqaralyq mamandandyrylǵan kórmesin ótkizý quqyǵynyń berilgeni jónindegi kópten kútken qýanyshty habardy erekshe yqylaspen qabyldady.

«Bul Sizdiń ósip-órkendegen Táýelsiz Qazaqstandy qurý jolyndaǵy kemeńger saıasatyńyzdyń halyqaralyq deńgeıdegi aıbyndy jeńisi, bul bizdiń Otanymyzdyń ekonomıkalyq damý jolyndaǵy jarqyn jemisiniń kýási, bul onyń qarqyndy damyp kele jatqan álem memleketteri qataryndaǵy kóshbasshylyq róliniń dúnıe júzilik tanylýy.

Bul Qazaqstan halqynyń uly jeńisi!»,- delingen quttyqtaý mátininde

Qazaqstan halqy Assambleıasy ókilderiniń atap ótýinshe, bul jeńistiń Qazaqstan Respýblıkasynyń Tuńǵysh Prezıdenti kúni merekesiniń qarsańynda kelýiniń tereń máni bar, jeńis bizdiń halqymyzǵa jasalǵan úlken syı bolyp otyr.

Sońǵy jyldary Qazaqstan EQYU Sammıti, Qysqy Azııa oıyndary, Álemdik jáne dástúrli dinder sezdi, Azııadaǵy ózara senim sharalary keńesi sııaqty halyqaralyq mańyzdy sharalardy ótkizý alańyna aınaldy.

«Bul Siz júrgizip kele jatqan halyqaralyq qatynastardan joǵary moraldyq ustanym talap etetin, beıbitshilik pen kelisim saıasatyna elder men halyqtardy jaqyndastyrý jolyndaǵy Sizdiń bastamalaryńyzǵa, álem qaýymdastyǵy  tarapynan kórsetilgen joǵary qurmettiń aıqyn dáleli.

Bul jeńis - Qazaqstannyń halyqaralyq qatynastardaǵy bıik bedelin, Sizdiń kópvektorly saıasatyńyzdyń halyqaralyq dárejede moıyndalýyn aıshyqtaıdy. Bul álemdik isker jáne saıası elıta aldynda Sizdiń jeke mártebeli bedelińizdiń arqasynda múmkin boldy.

Astananyń EHRO 2017 Halyqaralyq mamandandyrylǵan kórmesiniń taqyryby «Bolashaq energııasy» búkil álem úshin ózekti máselege - energııanyń balamaly kózderi men «jasyl» tehnologııalarǵa arnalǵan.

Bizdiń oıymyzsha, Qazaqstan úshin eń qýatty bolashaqtyń energııasy - ol eń aldymen Sizdiń Táýelsiz jáne ósip órkendegen Qazaqstandy qurý ıdeıańyz ben jasampaz eńbekke talpynǵan bizdiń halqymyzdyń birligi men tutastyǵy.

Bul energııanyń qaınar kózi eshqashan sarqylmaıdy!

Qazaqstan halqy Assambleıasy barsha Qazaqstan halqyn Elbasynyń ádiletti, Jalpyǵa ortaq Eńbek Qoǵamyn qurý jónindegi mindetterin oryndaý úshin kúsh-jigerin jumyldyrýǵa shaqyrady, tek osy arqyly ǵana biz ortaq maqsatymyzǵa - Táýelsiz, ál-aýqatty jáne gúldengen Qazaqstan qurýǵa qol jetkizemiz»,-delingen quttyqtaýda.