Qazaqstan úshin birden bir durys tańdaý - jańartylǵan trend pen bıliktiń myqty vertıkalin saqtaý bolyp otyr - Máskeýdegi «dóńgelek ústel»
KEÝ. 10 naýryz. QazAqparat /Narymbek Ysmaǵulov/ - Kezekten tys saılaýdy ótkizý qazirgi kúni jańa táýelsiz memleketter aldynda týyndap jatqan qaýip-qaterlerge nazar aýdarýǵa múmkindik beredi.
Bul týraly búgin Máskeýde ótkizilgen «dóńgelek ústel» otyrysy barysynda QR Tuńǵysh Prezıdenti Qory janyndaǵy Álemdik ekonomıka men saıasat ınstıtýtynyń dırektory Sultan Ákimbekov aıtty.
S.Ákimbekovtyń pikirinshe, QR Prezıdentiniń kezekten tys saılaýyn ótkizý strategııalyq jáne taktıkalyq múddelerge jaýap berip otyr. Máselen, kezekten tys saılaý ótkizý arqyly Qazaqstan 2012 jyly RF, AQSh pen QHR-da ótetin osy sekildi sharalardyń aldyn orap otyr. «Qazaqstannyń geosaıası múddelerdiń kúresi júrip jatqan Eýrazııanyń tórinde ornalasýyn esepke alsaq, osy máselelerdi der kezinde sheshken durys», - dep atap ótti sarapshy.
Strategııalyq jaǵynan alǵanda, kezekten tys saılaýdy ótkizý týraly sheshim qazirgi kúni jańa táýelsiz memleketter aldynda týyndap jatqan qaýip-qaterlerge nazar aýdarýǵa múmkindik beredi. «Basty másele, jańartý trendi saqtalyp otyr. Qazaqstan úshin myqty bılik vertıkali - qazirgi kúni birden bir tańdaý ekeni de túsinikti», - dep sanaıdy S.Ákimbekov.
