Qazaqstan ushaqtarǵa tehnıkalyq qyzmet kórsetýde Frantsııa tájirıbesin qoldanbaq
ASTANA. QazAqparat - QR Investıtsııalar jáne damý mınıstrliginiń Avıatsııa komıtetiniń ókilderi ushaqtarǵa tehnıkalyq qyzmetter kórsetý salasynda engizilgeli otyrǵan ózgerister týraly aıtty, dep habarlaıdy QazAqparat.
«Biz qoldanǵaly otyrǵan brıtanııalyq úlgi kórsetiletin barlyq qyzmetterdi aqyly etýdi qarastyrady. Ol elde atalmysh salanyń damyǵany sonshalyqty, kompanııalar UK CAA International Ltd korporatsııasyna aqy tóleýde esh qınalmaıdy. Al bizde mundaı tásil kompanııalarǵa birshama salmaq túsiredi, ásirese shaǵyn avıatsııaǵa»,-dedi Azamatyq avıatsııa komıtetiniń baspasóz qyzmeti QazAqparat tilshisi joldaǵan saýalǵa jaýapta.
Vedomstvo ókilderiniń habarlaýynsha, brıtanııalyq úlginiń aıyrmashylyǵy sonda, olarda áýe kompanııalary men áýe kemeleriniń tehnıkalyq jaǵdaıyn baqylaý men qadaǵalaýdy UK CAA International Ltd arnaıy memlekettik korporatsııasy kommertsııalyq negizde júzege asyrady. Ókinishke qaraı, aldynda atap ótken sebepterge baılanysty mundaı júıeni Qazaqstanda engizýge áli erte. Sondyqtan Azamattyq avıatsııa komıteti Frantsııa men Jańa Zelandııada qoldanylatyn qarjylandyrýdy júzege asyrýdyń ózge ádisin qoldanýdy josparlap otyr.
«Ol aeronavıgatsııalyq jınaqtan navıgatsııalyq qadaǵalaý men eldiń áýe keńistigi arqyly qozǵalysty basqarýdy júzege asyrýmen baılanysty. ıAǵnı tólemderdiń bir bóligi ushyrylymdardyń qaýipsizdigin qamtamasyz etýge jumsalady jáne bul ádis IKAO men halyqaralyq tájirıbege tolyqtaı sáıkes keledi. Qazaqstannyń Eýropa men Ońtústik Azııanyń ortasynda ornalasýy úlken basymdyq jáne ol biz sóz etip otyrǵan ádisti tıimdi paıdalanýǵa múmkindik beredi. Bizdiń tarıfter tartymdy, eýropalyq tarıfterden arzan, ortasha alǵanda kılometrine 70-90 tsent»,-dep túsindirdi komıtet ókilderi.
Baspasóz málimetterine qaraǵanda, bul rette qozǵalystyń jıiligi qaýipsizdik esebinen qamtamasyz etiledi. ıAǵnı qaısybir eldiń áýe keńistiginiń qaýipsizdik deńgeıi neǵurlym joǵary bolsa, ol eldiń aýmaǵymen ushyp ótý de soǵurlym tartymdy jáne aeronavıgatsııalyq jınaqtardyń quny da qymbat bolady.
