Qazaqstan úsh jyl qatarynan un eksporty boıynsha aldyńǵy orynda keledi
STANA. Sáýirdiń 23-i. QazAqparat /Rýslan Ǵabbasov/ - Unnan jasalǵan ónimder eksporttaý boıynsha elimizde eleýli áleýet bar. Bul týraly búgin Astanada ótken on-laın konferentsııa barysynda Aýyl sharýashylyǵy vıtse-mınıstri Arman Evnıev málim etti,
dep habarlaıdy QazAqparat.
«Qazaqstan úsh jyl qatarynan un eksporty boıynsha aldyńǵy orynda kele jatyr. Bıylǵy marketıngtik jyldyń kórsetkishi 2 mıllıon tonnadan astam»,-dedi vıtse-mınıstr.
Onyń sózine qaraǵanda, Qazaqstan 80-shi jyldardyń sońynda Keńes Odaǵynyń naryǵyna jáne eksportqa qatqyl dándi bıdaıdyń 80 paıyzdan astamyn shyǵarǵan. Bul kórsetkish 4,5 mıllıon tonnany quraıdy.
«Bizde bul turǵyda unnan jasalǵan ónimder boıynsha eleýli áleýet bar», -dedi vıtse-mınıstr. Osyǵan baılanysty ol bıznesmenderdi makaron zaýyttaryn quryp, shetel isker toptaryn tartýǵa shaqyrdy.
«Esepteýler boıynsha 2014 jylǵa deıin Keden odaǵy naryǵy shamamen 3 mıllıon tonnadan astam tek makaron ónimderin tutynatyn bolady»,-dedi A. Evnıev. Vıtse-mınıstr, búgindegi maqsat eksportqa ónimdi tek astyq túrinde ǵana emes, sonymen birge un jáne basqa da daıyn ónimder kúıinde shyǵarý jumystary atqarylyp jatqanyn jetkizdi.
