Qazaqstan 3 jyl ishinde mindetti túrde jappaı tsıfrlyq el bolýy kerek — Toqaev
ASTANA. KAZINFORM — Qazaqstan úsh jyldyń ishinde jappaı tsıfrlyq el bolýy kerek. Bul týraly Prezıdent Qasym-Jomart Toqaevtyń Qazaqstan halqyna Joldaýy barysynda aıtty.
— Jasandy ıntellektiniń qarqyndy damýy qazirdiń ózinde halyqtyń, ásirese jastardyń minez-qulqy men bolmys-bitimine áser etip jatyr. Basqasha bolý múmkin emes. Sebebi bul úrdis búkil álemde qalyptasqan tártipti jáne adamdardyń ómir súrý saltyn birjola ózgertýde. Biz buǵan daıyn bolyp, batyl áreket etýmiz kerek. Áıtpese, artta qalýdyń saldary óte aýyr bolady. Sondyqtan men aldymyzǵa óte mańyzdy strategııalyq maqsat qoıdym. Qazaqstan 3 jyl ishinde mindetti túrde jappaı tsıfrlyq el bolýy kerek, — dedi Prezıdent.
Eske sala keteıik, buǵan deıin Prezıdent halyqaralyq qatynastaǵy shıelenister men ozbyrlyqtyń saldarynan qaqtyǵystar men soǵystar beleń alǵanyn aıtqan edi.
Sondaı-aq Qazaqstanda jasandy ıntellekt jáne tsıfrlyq damý mınıstrligi qurylatyny aıtyldy.
Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.
Kazinform saıty tikeleı efırmen qatar, jazbasha translıatsııa da jasaıdy.
Sondaı-aq Joldaý mátinin agenttiktiń telegram arnasynan oqýǵa bolady.