Qazaqstan úsh munaı alpaýytyn tapsyrystaǵy «elishilik qundylyq» úlesin arttyrýǵa mindettemek

ASTANA. KAZINFORM — Qazaqstan úsh munaı alpaýytyn tapsyrystaǵy «elishilik qundylyq» úlesin arttyrýǵa mindettemek. Bul týraly Energetıka mınıstri Erlan Aqkenjenov Úkimet otyrysynda málim etti.

— Taýarlar boıynsha Qarashyǵanaq Petrolıým Opereıtıng boıynsha elishilik qundylyqty 2025 jylǵy 18%-dan 2029 jyly 30%-ǵa deıin, NCOC boıynsha 2025 jylǵy 17%-dan 2029 jylǵa qaraı 28%-ǵa deıin ulǵaıtý kózdelgen, — dedi ol.

Mınıstrdiń sózinshe, dál osyndaı jumys «Teńizshevroıl» JShS-men de júrgizilip jatyr.

— TShO boıynsha elishilik qundylyqty damytý baǵdarlamasy búgingi tańda kelisý satysynda, — dedi Erlan Aqkenjenov.

Sondaı-aq, búgingi otyrysta Premer-mınıstr Bektenov Samuryq-Qazynanyń otandyq óndirýshilerden taýar satyp alý kórsetkishin synady.