Qazaqstan úsh aıda 4,4 mlrd tekshe metr gaz tutynǵan

ASTANA. QazAqparat - 2016 jyldyń úsh aıynda qazaqstanda 12,2 mlrd tekshe metr gaz óndirilgen. Bul týraly búgin janar-jaǵarmaı kesheni men ekologııa jónindegi qoǵamdyq keńestiń esep berý kezdesýinde Energetıka mınıstri Qanat Bozymbaev málim etti.

«2016 jyldyń qańtar-naýryz aılarynda Qazaqstanda 12,2 mlrd tekshe metr gaz shyǵarǵan. Bul byltyrǵy jyldyń osy kezeńindegi kórsetkishpen salystyrǵanda 105 paıyzdy quraıdy»,-dedi Q.Bozymbaev.

Mınıstr atap ótkendeı, respýblıka osy úsh aı ishinde  4,4 mlrd sharshy metr gaz tutynǵan.

«Qańtar-naýryz aılarynda respýblıka 3,3 mlrd tekshe metr gazdy eksporttady. Byltyr Qazaqstan jyl on eki aıda 12,7 mlrd tekshe metr gaz eksporttaǵan»,-dedi Q.Bozymbaev.