Qazaqstan ýranynyń Qytaıǵa eksporty rekordty kólemge jetti

2023 jyldyń on aıynda Qazaqstan shet memleketterge jalpy somasy 2,46 mlrd dollar bolatyn óńdelgen ýran satty, kórsetkish ótken jylmen salystyrǵanda úsh ese kóp. Kazinform bul týraly Birinshi nesıe bıýrosyna silteme jasap habarlaıdy.

Eksport baǵyttarynyń arasynda Qytaı aldyńǵy orynda tur: qańtar-qazan aılarynda Qazaqstan Respýblıkasy atalǵan elge 922,7 mln dollarǵa ýran jóneltti, bul 2022 jyldyń sáıkes kezeńimen salystyrǵanda 2,2 esege kóp. Osy rette qazan aıy óte tabysty boldy. Bul aqshalaı túrde bıylǵy jyldyń barlyq kóleminiń 28% qurady: 258 mln dollar, bul 2022 jyldyń qazan aıymen salystyrǵanda 9 ese joǵary.

Reseı baǵyty da aldyńǵy orynda: 10 aıda eksport kólemi 1,2 mlrd dollar somasyna jaqyndady (jyldyq kórsetkishte +72%). Nátıjesinde Qytaıǵa da, Reseı Federatsııasyna da eksporttyń ulǵaıýy taǵy bir mańyzdy baǵyt – kanadaǵa jóneltilimderdiń azaıýynyń ornyn toltyrdy. Máselen, bıylǵy jyldyń 10 aıynda Kanadaǵa eksport 168,5 mln dollardy qurady – ótken jylmen salystyrǵanda mınýs 70%.