Qazaqstan ýranyn satyp alatyn elderdiń qatary artýy múmkin

ASTANA. KAZINFORM – «QazAtomÓnerkásip» ulttyq atom kompanııasy» aktsıonerlik qoǵamynyń basshysy Meıirjan ıÝsýpov «Samuryq-Qazyna» qorynyń qoǵamdyq keńes otyrysynda Qazaqstan ýranyn satyp alatyn elderdiń qatary artýy múmkin ekenin aıtty.

- «QazAtomÓnerkásip» kompanııasy 2024 jyldyń qorytyndysy boıynsha tabıǵı ýran óndirý jáne satý kórsetkishteri boıynsha álemdik kóshbasshy ornyn saqtap otyr. Bizde 14 óndirýshi kásiporyn bar. Onyń 12-si «Kameko», «Orano», «Rosatom», CGN, «Marýbenı», «Kansaı» sııaqty ýran salasynyń álemdik grandtary. Satylym portfelin barynsha teńgerimde ustap, bir ǵana satyp alýshyǵa táýeldi bolyp qalmaý úshin ártaraptandyrý qaǵıdatyn ustana beremiz. Qazir biz satatyn ónimniń 50%-y Azııaǵa, 28%-y Eýropaǵa 22%-y Soltústik jáne Ońtústik Amerıkaǵa tıesili, - dedi Meıirjan ıÝsýpov.

Sondaı-aq, ol byltyr «QazAtomÓnerkásip» tarıhynda alǵash ret Birikken Arab Ámirlikteriniń Barakah AES-ine ýran jetkizgenin eske saldy.

- Bıyl satylym portfeline Chehııa (CEZ Group) men Shveıtsarııa (Axpo Group) qosyldy. Azııa baǵytynda Qytaı men Úndistannan bólek Japonııa men Ońtústik Koreıa sııaqty elder de Qazaqstannyń uzaq merzimde ýran jetkizgenine qyzyǵýshylyq tanytyp otyr, - dedi ulttyq atom kompanııasynyń basshysy.

Sondaı-aq, ol «QazAtomÓnerkásip» Qazaqstan AES-ine ıadrolyq otyn jetkizýshi bolýy kerek degen ustanymyn aıtty.