Qazaqstan UOK prezıdenti Gennadıı Golovkın Narıman Qurbanovty jeńisimen quttyqtady
PARIJ. KAZINFORM - Frantsııa astanasy Parıj qalasynda ótip jatqan Olımpıada oıyndarynda Qazaqstan UOK prezıdenti Gennadıı Golovkın sporttyq gımnastıkadan kúmis medal alǵan Narıman Qurbanovty quttyqtady.
«Narıman Qurbanovty Olımpıada oıyndaryndaǵy kúmis júldesimen quttyqtaımyn! Táýelsizdik tarıhynda tuńǵysh ret bizdiń elimiz sporttyq gımnastıkadan Olımpıada tuǵyryna kóterildi. Jeńiske degen jigerińiz jáne qaısar minezińizdiń arqasynda Siz barsha qazaqstandyq jankúıerdiń júregine jol tarttyńyz. Jeke bapkerińiz Hýsanjan Kurbanovqa da óz quttyqtaýymdy joldaımyn. Bul júldeniń artynda Sizdiń de, bapkerińizdiń de eńbegi jatyr. Olımpıada oıyndarynda Siz jeńip alǵan alǵashqy kúmis medal bolashaqta jarqyn jeńisterge jeteleıtinine senemin! Barsha Qazaqstan halqyn tarıhı medalmen quttyqtaımyn!», - dedi QR UOK prezıdenti Gennadıı Golovkın.
Esterińizge sala keteıik, búgin el qorjynyna Parıj Olımpıadasynyń tuńǵysh kúmis júldesi tústi. Ony sporttyq gımnastıkanyń at snarıadyndaǵy jattyǵýda Narıman Qurbanov jeńip aldy.
