Qazaqstan UOK ókilderi Azııa Olımpıadalyq keńesiniń Aımaqtyq forýmyna qatysty
ASTANA. KAZINFORM – Tájikstan astanasy – Dýshanbede Azııa Olımpıadalyq keńesiniń Aımaqtyq forýmy – «Olımpıadalyq yntymaqtastyq–2025» jobasynyń ekinshi kezeńi ótti. Forýmǵa Ortalyq jáne Batys Azııanyń 19 Ulttyq Olımpıadalyq komıtetiniń ókilderi qatysty.
Atalǵan jıynda Qazaqstan Ulttyq Olımpıadalyq komıtetinen bas hatshy Álimjan Aqaev, bas dırektor Nurlan Nógerbek jáne halyqaralyq qatynastar departamentiniń dırektory Anar Syzdyqova tóbe kórsetti.
Forým baǵdarlamasy 2026 jyly Aıchı–Nagoıada ótetin Azııa oıyndaryna, 2025 jyly Bahreınde ótetin jasóspirimder arasyndaǵy Azııa oıyndaryna, sondaı-aq 2026 jyly Er-Rııadta ótetin jabyq keshendegi jáne jaýyngerlik óner túrlerinen Azııa oıyndaryna daıyndyq máselelerin qamtydy.
Sonymen qatar Halyqaralyq Olımpıadalyq komıteti usynǵan 2025–2028 jyldarǵa arnalǵan Olımpıadalyq yntymaqtastyqtyń jańa baǵdarlamalaryna erekshe nazar aýdaryldy. Jıyn barysynda sportshylar men jattyqtyrýshylardy qoldaý, UOK-ti damytý jáne olımpıadalyq qundylyqtardy ilgeriletý máseleleri de qaraldy.
Іs-shara aıasynda Tájikstan UOK Azııa Olımpıadalyq keńesiniń «Barlyǵyna arnalǵan Azııa oıyndary» baǵdarlamasy aıasynda buqaralyq Fun Run júgirý jarysyn uıymdastyrdy. Bul bastama qurlyqtyq basty sporttyq sharany nasıhattap, salaýatty ómir saltyn dáripteýge baǵyttalǵan.
Aıta keteıik, bul forým aımaqtaǵy olımpıadalyq qozǵalysty damytý, tájirıbe almasý jáne yntymaqtastyqty nyǵaıtý turǵysynan mańyzdy alań boldy.
Buǵan deıin Gennadıı Golovkınniń Qatar UOK basshysymen kezdesý ótkizgenin jazǵan edik.