Qazaqstan UOK boks básekesindegi keıbir tóreshilerdiń is-áreketine kúmán keltirdi

PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda Qazaqstan Ulttyq Olımpıadalyq komıteti qazaqstandyq boksshylardyń jekpe-jeginde jumys istegen keıbir tóreshilerdiń qyzmetine kúmán keltiretinin málimdep, PBU-ǵa (Paris boxing Unit) júgindi.

Sonymen qatar, keıbir tórelik kezindegi birjaqtylyqqa nazar aýdarýdy surady.

Olımpıada oıyndaryndaǵy boks básekesin uıymdastyrýshylar bul eskertýge nazar aýdaryp, atalǵan jaǵdaıǵa qatysty zertteý júrgizýge ýáde berdi. Atalǵan tóreshilerge qatysty is qozǵaldy.

Osy oraıda, bul is-sharanyń jekpe-jekter nátıjesine áser etpeıtinin eskerý kerek. Erejege sáıkes, aıaqtalǵan jekpe-jekter nátıjesi qaıta qaralmaıdy. Alaıda, tóreshilerdiń óz qyzmetinde qatelik jibergeni dáleldense, olar qyzmetten shettetilýi múmkin.