Qazaqstan UOK Atqarýshy komıtetiniń jańa quramy bekitildi
ASTANA. KAZINFORM – 23 sáýirde Qazaqstan Ulttyq Olımpıadalyq komıtetiniń (UOK) Bas assambleıasynda Atqarýshy komıtetiniń jańartylǵan quramy bekitildi. Sondaı-aq jıyn barysynda uıymnyń jarǵysyna engizilgen ózgerister talqylanyp, jańa músheler qabyldandy.
Іs-sharaǵa Qazaqstan UOK prezıdenti Gennadıı Golovkın, QR Týrızm jáne sport vıtse-mınıstri Serik Jarasbaev, Qazaqstan UOK bas hatshysy Álimjan Aqaev jáne ulttyq sport federatsııalarynyń ókilderi qatysty.
Gennadıı Golovkın Bas assambleıa qatysýshylaryna alǵys bildirip, ortaq jobalardy júzege asyrý jolyndaǵy birlesken jumystyń mańyzdylyǵyn atap ótti.
Birqatar sport uıymy basshylyǵyndaǵy ózgerister men kadrlyq aýys-túıisterge baılanysty Atqarýshy komıtetiniń quramyn qaıta qarap, jańartý týraly sheshim qabyldandy. Bul qadam komıtettiń tıimdiligi men belsendiligin arttyrý maqsatynda jasaldy.
Bas assambleıa qorytyndysy boıynsha Atqarýshy komıtetiniń jańartylǵan quramy tómendegideı:
Vıtse-prezıdentter:
Serik Jarasbaev – óńirlermen jumys jónindegi vıtse-prezıdent, QR Týrızm jáne sport vıtse-mınıstri;
Shahmurat Mutálip – halyqaralyq yntymaqtastyq jónindegi vıtse-prezıdent, Qazaqstan boks federatsııasynyń prezıdenti;
Danııar Abýlgazın – jazǵy olımpıadalyq sport túrleri jónindegi vıtse-prezıdent, Ústel tennısi federatsııasynyń prezıdenti;
Sáken Musaıbekov – qysqy olımpıadalyq sport túrleri jónindegi vıtse-prezıdent, Shaıbaly hokkeı federatsııasynyń bas dırektory;
Gadjı Gadjıev – jalpy máseleler jónindegi vıtse-prezıdent, Aýyr atletıka federatsııasynyń prezıdenti.
Sportshylar komıssııasynyń ókili:
Olga Rypakova – Jeńil atletıka federatsııasynyń prezıdenti.
Ulttyq federatsııalar ókilderi:
Álııa ıÝsýpova – Gımnastıka federatsııasynyń prezıdenti;
Mádı Takıev – Voleıbol federatsııasynyń prezıdenti;
Ashat Jitkeev – Dzıýdo federatsııasynyń bas hatshysy;
Nurlan Jaqypov – Sý sporty túrleri federatsııasynyń prezıdenti;
Erjan Birjanov – Trıatlon federatsııasynyń prezıdenti;
Berik Asylov – Sporttyq atý federatsııasynyń prezıdenti;
Qudiret Shamıev – Taekvondo (WTF) federatsııasynyń prezıdenti;
Qaırat Dúısenov – Golf federatsııasynyń vıtse-prezıdenti.
Sondaı-aq Bas assambleıa barysynda Qazaqstandyq konkımen mánerlep syrǵanaý odaǵynyń UOK quramyna múshelikke qabyldanýy maquldandy.
Aıta keteıik, 2024 jyldyń qyrkúıeginde atalmysh uıym derbes ulttyq federatsııa mártebesin alý týraly resmı ótinish joldaǵan bolatyn. Buǵan deıin mánerlep syrǵanaý Qazaqstan konkımen júgirýshiler odaǵynyń quramynda damyǵan. 2023 jyldyń qarashasynda Halyqaralyq konkıshiler odaǵy (ISU) Qazaqstandyq konkımen mánerlep syrǵanaý odaǵyn derbes federatsııa retinde moıyndady.
Sonymen qatar Qazaqstan UOK quramynan belsendi qyzmettiń bolmaýyna baılanysty shana sporty federatsııasy shyǵaryldy.
Budan bólek, Bas assambleıaǵa qatysýshylar uıymnyń jumys barysyn jetildirýge Jarǵy ózgeristerin qarap, bekitti.