Qazaqstan UNTCC elderi basshylarynyń Jańa Delıdegi Konklavyna qatysady
ASTANA. KAZINFORM — 2025 jylǵy 14-16 qazan aralyǵynda Úndistan astanasynda Birikken Ulttar Uıymyna ásker jiberetin elder (UNTCC) basshylarynyń Konklavy ótedi, dep habarlaıdy Qazaqstandaǵy Úndistan elshiligi.
Іs-sharaǵa BUU bitimgershilik mıssııalaryna eleýli úles qosqan 32 memlekettiń joǵary áskerı ókilderi qatysady.
Konklavtyń negizgi maqsaty — jahandyq qaýipsizdik jaǵdaıynda ózara áriptestikti nyǵaıtý, beıbitshilikti saqtaýdyń tıimdi ári ınklıýzıvti tásilderin talqylaý. Baǵdarlama aıasynda plenarlyq sessııalar, taqyryptyq otyrystar, paneldik pikirtalastar jáne ekijaqty kezdesýler josparlanǵan.
Іs-sharada tehnologııalyq ınnovatsııalar, beıbitshilikti saqtaý qyzmetkerleriniń qaýipsizdigi, sondaı-aq qaqtyǵys aımaqtaryndaǵy halyqtyń ál-aýqatyn arttyrý joldary talqylanady. Sonymen qatar, bitimgershilik qyzmettiń adamı jáne otbasylyq qyrlaryn ashatyn arnaıy baǵdarlamalar da uıymdastyrylady.
Bul Konklav Úndistannyń kópjaqtylyqqa, beıbitshilik pen yntymaqtastyqqa negizdelgen ustanymyn aıqyndaı otyryp, BUU mıssııalarynda jańa kezeńge jol ashady.
Qatysýshy elder qatarynda Qazaqstan, Qyrǵyzstan, Mońǵolııa, Bangladesh, Frantsııa, Brazılııa, Kenııa jáne taǵy basqa memleketter bar.
Budan buryn BUU Bas Assambleıasy 80-shi sessııasynyń Jalpy debatynda Qazaqstan Prezıdenti Qasym-Jomart Toqaev Qazaqstan bitimger rólin jalǵastyratynyn aıtqan edi.