Qazaqstan ýnıversıtetteriniń dıplomdary Batys jáne Shyǵys elderinde moıyndalatyn boldy


ASTANA. KAZINFORM – Joǵary bilim berý júıesindegi halyqaralyq yqpaldastyqty damytý — zaman talaby. Bul týraly III Strategııalyq seriktester forýmynda Memleket basshysy Qasym-Jomart Toqaev aıtty.

Rekordtyq kórsetkish: Nazarbaev Ýnıversıtetinde 1877 túlekke dıplom tabystaldy
Foto: Arýjan Armanqyzy/Kazinform

- Joǵary bilim berý júıesindegi halyqaralyq yqpaldastyqty damytý, ǵylymı baılanysty tereńdetý — qazirgi zaman talaby. Biz bul máselege aıryqsha mán beremiz. Qazaqstanda osy saladaǵy halyqaralyq strategııalyq seriktestik týraly 40 kelisim iske asyrylyp jatyr. Elimizde 11 memlekettiń jetekshi ýnıversıtetteri óz fılıaldaryn ashty. Osy bilim ordalarynda 12 myńnan astam stýdent oqıdy. Sondaı-aq 1,5 myńǵa jýyq oqytýshy jumys istep jatyr. Olardyń qatarynda shetelden kelgen 600-den astam professor bar, - dedi Memleket basshysy.

Prezıdent Qazaqstan osy aımaqta alǵashqy bolyp Eýropadaǵy Lıssabon jáne Azııa-Tynyq muhıty aımaǵyndaǵy Tokıo konventsııalaryna qosylǵanyn aıtty.

- Bul — qazirgi Ál-Farabı atyndaǵy Qazaq ulttyq ýnıversıtetiniń rektory, burynǵy Bilim jáne ǵylym mınıstri, Elshi Janseıit Túımebaevtyń arqasy. Sonyń nátıjesinde endi Qazaqstan ýnıversıtetteriniń dıplomdary Batys jáne Shyǵys elderinde moıyndalatyn boldy. Sonymen qatar qazir Qazaqstanda bilim alǵysy keletin shetel jastarynyń sany da kóbeıip jatyr. Byltyr elimizde basqa memleketterden kelgen 31 myń stýdent oqyp jatqanyn aıtqan edim. Qazir olardyń sany 41 myńǵa jetti. Sonyń ishinde 8 myńnan astam stýdent Qazaqstannyń qarjylaı qoldaýymen bilim alyp jatyr. Bul — Táýelsizdik jyldary ishindegi eń joǵary kórsetkish, - dedi Qasym-Jomart Toqaev.

«Halyqtyq qurylys» joǵary bilim júıesine zor jaýapkershilik júkteıdi. Bul týraly III Strategııalyq seriktester forýmynda Memleket basshysy Qasym-Jomart Toqaev aıtty.