Qazaqstan Úndistandaǵy iskerlik týrızmniń eń úzdik baǵyty dep tanyldy

ASTANA. KAZINFORM – Qazaqstan 2023-2024 jyldary Úndistannan kelgen bıznes-týrıster úshin eń úzdik MICE-destınatsııa bolyp tanyldy. Atalǵan nomınatsııa Delıde (Úndistan) ótken jyl saıynǵy The MICE Conference Expo & Awards (TMCEA) marapattaý rásimi aıasynda tabystaldy.

Syılyqty MICE Affairs jýrnalynyń redaktsııasy beredi. Saltanatty rásim – MICE-ındýstrııadaǵy mańyzdy oqıǵanyń biri. Óıtkeni munda naryqtyń jetekshi ókilderi ózekti trendterdi talqylaý, iskerlik kezdesýler ótkizý jáne salanyń úzdikterin anyqtaý úshin jınalady.

Marapatty Kazakh Tourism atynan kompanııanyń Úndistandaǵy ókili Prashant Chodrı byltyr Kazakh Tourism UK AQ uıymdastyrǵan sapar aıasynda Astana jáne Almaty qalalaryna kelgen MICE Affairs Media Group bas dırektory Sachın Manochanyń qolynan qabyldap aldy.

MICE – konferentsııalar, kongrester, kórmeler jáne ózge de iskerlik is-sharalar ındýstrııasy Qazaqstan men Úndistan arasyndaǵy yntymaqtastyqtyń áleýetti baǵytynyń biri.