Qazaqstan — Úndistan: 10 jańa baǵytta tikeleı reıs ashylady
ASTANA. KAZINFORM — Elimiz Qytaı, Túrkııa, Úndistan jáne Reseımen áýe qatynasyn keńeıtpek. Sondaı-aq Eýropaǵa jańa baǵyttar ashý josparlanǵan.
Bul týraly IKAO-nyń avıatsııalyq qaýipsizdik aptalyǵynda Kólik vıtse-mınıstri Talǵat Lastaev aıtty.
Onyń sózinshe, aldaǵy jyldary eldegi halyqaralyq áýe baǵyttarynyń sanyn 160-qa deıin jetkizý josparlanyp otyr.
Úndistan — elimizge jaqyn ornalasqan, ári qarqyndy damyp kele jatqan iri naryqtardyń biri. Qazaqstan osy eldiń 10 qalasyna tikeleı reıs ashýdy kózdeıdi.
Qytaıǵa qatynaıtyn reıster sanyn da 30-ǵa jetkizý josparlanyp otyr.
— Al Túrkııamen jáne Reseımen áýe qatynasyn keńeıtý tranzıttik tasymaldy damytýǵa múmkindik beredi. Reseımen áýe qatynasyn damytýǵa arnalǵan «500+» baǵdarlamasy bar. Ol negizinen halqy 500 myńnan asatyn shekaralas qalalarmen tikeleı áýe qatynasyn ornatýǵa baǵyttalǵan. Bul baǵyttar boıynsha naqty josparlarymyz bar, — dedi Talǵat Lastaev.
Munan bólek, Eýropa elderine de jańa áýe baǵyttaryn ashylady.
— Bul jumys kezeń-kezeńimen júzege asady. Qazaqstan jyl saıyn birneshe jańa reıs iske qosýdy josparlap otyr, — dedi ol.
Aıta keteıik, jaqynda FlyArystan Almatydan Qytaıdyń Chýntsın qalasyna tikeleı reıs ashty.
