Qazaqstan úndistandyq ITEC baǵdarlamasyn qoldaıdy
NUR-SULTAN. QazAqparat - 2019 jylǵy 14 qazanda QR Syrtqy ister mınıstriniń orynbasary R.Vasılenko qurmetti qonaq retinde Úndistannyń tehnıkalyq jáne ekonomıkalyq yntymaqtastyq baǵdarlamasy – ITEC (Indian Technical and Economic Cooperation) kúnin atap ótý is-sharasyna qatysty.
Bul týraly QR syrtqy ister mınıstrliginiń baspasóz qyzeti habarlady.
Óz sózinde QR SІM basshysynyń orynbasary ITEC sheńberinde túrli salalar boıynsha (aqparattyq tehnologııalar, aǵylshyn tili, kıberqaýipsizdik, medıtsına jáne t.b.) qazaqstandyq mamandar úshin usynylyp otyrǵan kýrstardyń mańyzdylyǵy men ózektiligin atap ótip, bul baǵdarlamaǵa keleshekte QR men Úndistan arasyndaǵy yntymaqtastyqty tereńdetýde sáttilikter tiledi.
Úndistannyń Qazaqstandaǵy Elshisi P.Kýmar habarlaǵandaı, 1964 jyly qurylǵan ITEC-tiń túrli kýrstary arqyly 1990 jyldardan 2019 jylǵa deıin 1020 QR azamattary bilim alǵan.
