«Qazaqstan» Ulttyq telearnasynda «Janyńda júr jaqsy adam» derekti fılmderi toptamasynyń tusaýkeseri!
ASTANA. 20 qarasha. QazAqparat - «Qazaqstan» Ulttyq telearnasynda «Janyńda júr jaqsy adam» derekti fılmderi toptamasynyń tusaýkeseri ótedi. Bul týraly Ulttyq arnadan habarlady.
«Janyńda júr jaqsy adam» kóp serııaly derekti fılmder toptamasy qazaq halqynyń bolashaqqa degen senimi, kez kelgen qıyn jaǵdaıda tyǵyryqtan shyǵýy, jaqsylyqqa jarshy bola bilýi jaıynda bolmaq. Derekti fılmder toptamasynyń maqsaty - ómirden alynǵan oqıǵalardy bir telejobaǵa arqaý etip, otansúıgishtik pen adamgershilikti jańa qyrynan nasıhattaý. Sıýjettiń prototıpteri - ómirde bar adamdar.
20-shy qarashadan bastap, saǵat 18. 25-de dúısenbi men juma kúnderi aralyǵynda «Qazaqstan» Ulttyq telearnasynan kórińizder!
