«Qazaqstan» ulttyq telearnasynda premera: jastar poezııasyna arnalǵan eksklıýzıvti joba kórermenge jol tartty
Bul týraly ulttyq telearnanyń baspasóz qyzmeti habarlady.
Otandyq telearnalarda poezııaǵa, ásirese, jastar poezııasyna arnalǵan jeke baǵdarlama joq. «Poezııa álemi» - búgingi qazaq aqyndarynyń ómiri men tynys-tirshiligi, jetken jetistikteri jáne olardyń poezııasymen tanystyratyn eksklıýzıvti joba.
Jobanyń maqsaty - poezııany jańa qyrynan, jańa formatta tanytý, poezııany oqýda bıik talǵam qalyptastyrý, aǵartýshylyq baǵytynda jumys jasaý, búgingi qazaq poezııasynyń jetken jetistikterin kórsetý, qazaq poezııasyna jańa lep ákelgen jańa esimderdi anyqtaý.
Sonymen qatar jeke aqynnyń ózine ǵana tán portretin jasap shyǵarý jáne onyń ómirindegi eń qyzyqty, eń qaıǵyly nemese eń sheshýshi sátterindegi minez qulqy men bolmysyn ashyp kórsetý shyǵarmashylyq toptyń negizgi maqsaty boldy.
«Poezııa álemi» baǵdarlamasynyń ózge ádebı tanymdyq baǵdarlamalardan ereksheligi jas aqynnyń óleńderine arnaıy beınebaıandar túsirildi.
«Poezııa álemi» jobasynyń alǵashqy keıipkeri - jastar ádebıetiniń kósh basynda turǵan aqyn Maraltaı Raıymbek .
«Qazaqstan» Ulttyq telearnasynan 16 tamyzda saǵat 12.55-te «Poezııa álemi» baǵdarlamasyn kórińizder!