Qazaqstan Ulttyq telearnasy tanymaldylyǵy jaǵynan ekinshi orynda - Aqparat jáne muraǵat komıtetiniń tóraǵasy
ALMATY. 20 qarasha. QazAqparat - Qazaqstanda 2013 jyly sport telearnasy ashylady. Bul týraly búgin Almatyda «Qazaqstannyń medıa naryǵy: ońtaıly basqarý jáne damytatyn tustary» degen taqyryppen ótip jatqan 5-shi medıa quryltaıda aıtyldy.
QR Mádenıet jáne aqparat mınıstrliginiń Aqparat jáne muraǵat komıtetiniń tóraǵasy Bolat Qalıanbekovtyń aıtýynsha, aqparat - kúrdeli salalardyń biri. Onyń evolıýtsııalyq damýyn zańdy túrde baqylaý óte qıyn. Bul álemdik úrdis.
«Memlekettik tapsyrystyń tıimdi júzege asyrylýyn zertteý búgingi tańda tómen deńgeıde. Aıta keter jaıt, memlekettik tapsyryspen jumys isteıtin buqaralyq aqparat quraldary memleketke táýeldi emes. Olardyń arasynda baǵdarlamalary tartymdy, habarlary sapaly da salmaqty ári ózekti máselelerdi kótere bilýimen telekórermender nazaryn aýdaryp jatqandary da bar. Máselen «Galop medıa» zertteýleri boıynsha Qazaqstan ulttyq telearnasy ORT Eýrazııadan keıin ekinshi oryn tur», - deıdi B.Qalıanbekov.
Bolat Serikulynyń sózine qaraǵanda, Qazaqstan qazir sandyq televıdenıege kóshýdiń aldynda.
