Qazaqstan ulttyq quramasynyń boksshylary Golovkın bazasynda jattyǵatyn bolady
ASTANA. QazAqparat - Qazaqstan ulttyq quramasynyń boksshylary AQSh-ta Golovkın bazasynda jattyǵatyn boldy. Bul týraly Qazaqstandyq boks federatsııasy habarlady.
«2015 jylǵy naýryzdyń aıaǵynda - sáýirdiń basynda birqatar qazaqstandyq boksshylar muhıttyń ar jaǵyna sapar shekpek, onda olar Argentınada, Venesýelada jáne AQSh-ta ótetin WSB serııasynyń úsh oıynyna qatysady», - delingen taratylǵan habarlamada.
Quramanyń bas bapkeri Myrzaǵalı Aıtjanovtyń habarlaýynsha, bizdiń sportshylardyń ishinde quramanyń birinshi nómirleri - Jánibek Álimhanuly, Ivan Dychko, Іlııas Súleımenov bolady. Boksshylar urysqa beıimdelip, WSB jekpe-jegine daıyndyq júrgizý úshin Gennadıı Golovkın ulttyq qurama múshelerin óz bazasynda jattyǵýǵa shaqyrdy. Qazir boksshylar laıyqty sparrıng-áriptes tańdaýda.
