Qazaqstan Ulttyq quramasynyń bas bapkerin tańdaý bastaldy
ASTANA. QazAqparat - Búgin Qazaqstan fýtbol Federatsııasy óziniń resmı saıtynda Qazaqstan quramasynyń bas bapkerin tańdaýǵa múmkindik beretin daýys berýdi bastaıdy, dep habarlady federatsııanyń baspasóz qyzmeti.
15 qańtarǵa deıin sozylatyn alǵashqy kezeńde Sizder Qazaqstan quramasyn kim jattyqtyrý kerek degen suraqqa jaýap berip, jergilikti maman, bolmasa shet eldik maman paıdasyna tańdaý jasaısyz. Daýys berýge tek QFF saıtynda tirkeýden ótkender ǵana qatysa alady.
Saıtqa tirkelý ońaı ári yńǵaıly, birneshe mınýt ýaqytyńyzdy alady. Daýys berý nátıjesi Federatsııa tarapynan sheshim qabyldaýǵa negiz bolý úshin, daýys berýge 50 myńnan kem bolmaıtyn adam qatysýy kerek. Eger daýys berýshiler sany 50 myńnan kem bolatyn bolsa, Federatsııa daýys berý nátıjelerin Qazaqstan Ulttyq quramasynyń bas bapkerin ózi tańdaýǵa berilgen kelisim dep esepteıdi. Al daýys berýshiler sany 50 myńnan asatyn bolsa, QFF daýys berýdiń ekinshi kezeńin bastaıdy. Ekinshi kezeńde jankúıerlerge birinishi kezeńde kóp daýys jınaǵan sanat boıynsha bapkerler tizimi usynylady (qazaqstandyq bolmasa shet eldik maman). QFF usynatyn bapkerlerdiń barlyǵy da Qazaqstan Ulttyq quramasyn jattyqtyrýǵa bilimi jetetin, tájirıbesi mol bilikti mamandar. Biz usynǵan mamandardyń barlyǵy derlik aldyn ala, biliktilik tekserýden ótedi (bul jumys bastalyp ketti) jáne QFF jankúıerleri kimdi tańdaǵanyna qaramastan Ulttyq quramanyń bolashaq bapkeriniń qyzmeti úshin jaýapkershilikten bas tartpaıdy.
