Qazaqstan Ulttyq qorynyń kirisi arta túsýde
ASTANA. QazAqparat - 2017 jyldyń qańtar-sáýirinde elimizdiń Ulttyq qory 767 mlrd teńgege tolyǵyp, ótken jyldyń sáıkes kezeńimen salystyrǵanda 75 paıyzǵa artty. Bul málimet finprom.kz saıtynda jarııa etildi, dep habarlaıdy QazAqparat.
Aǵymdaǵy jyldyń 4 aıyndaǵy Ulttyq qorǵa túsken qarjy 767,2 mlrd teńgeni qurady. Onyń ishinde paıdaly qazbalardy óndirý salyǵyn jınaý 5 esege artyp, 423,6 mlrd teńgeni, artyq kiris salyǵyn jınaý 70 paıyzǵa ulǵaıyp 62,8 mlrd teńgeni qurady. Jer qoınaýyn paıdalanýshylardan alynatyn korporatıvti tabys salyǵy 211,6 mlrd teńgeni qurap, 1 protsentke kemidi.
Dúnıejúzilik bank baıandamamasyna sáıkes aǵymdaǵy jyly munaı baǵasynyń ósimi men ony óndirý kóleminiń artýy Qazaqstannyń ekonomıkalyq damýyn jedeldetetin bolady. Al eldiń ishki jalpy óniminiń naqty ósimi 2017-2019 jyldary aralyǵynda 3 paıyz sheginde aýytqyp otyrady.
Elimizdiń Ulttyq qoryna túsetin kiristiń arta túsýine munaı sektoryndaǵy uıymdarǵa salynatyn aıyppuldar, sanktsııalar, ósimaqylar da óz septigin tıgizýde. 2016 jyldyń qańtar-sáýirimen salystyrǵanda aǵymdaǵy jyldyń 4 aıyndaǵy mundaı tólemderdiń kólemi 5 esege ulǵaıyp, 22,3 mlrd teńgeni qurady.
Bıyl kepildendirilgen transfert kóleminiń ulǵaıýynyń nátıjesinde Ulttyq qordyń shyǵystary da 60 protsentke arta túsken. 2017 jyly kepildendirilgen transfert kólemi óziniń eń joǵary shegine jetip, 2,9 trln teńgeni quraıtyn bolady. Osydan keıin teńgelik belgileýge kóshýdiń quldyraýy kútilýde.
Degenmen, maqsatty transfert kólemi eki esege qysqaryp, 68 mlrd teńgeni qurady. Elimizdiń Bıýdjet kodeksinde kepildendirilgen transferttiń jyl saıynǵy kólemi dollarmen 8 mıllıard kóleminde 15 protsenttik aýytqýmen bekitilgen.
