Qazaqstan Ulttyq qaýipsizdik strategııasyn qaıta qaraǵan alǵashqy elderdiń qatarynda – sarapshy
«Búgin qabyldanǵan qujat – Qazaqstan Respýblıkasynyń 2021-2025 jyldarǵa arnalǵan Ulttyq qaýipsizdik strategııasy – Tuńǵysh Prezıdent Nursultan Nazarbaevtyń tóraǵalyǵymen ótken Qaýipsizdik Keńesiniń otyrysynda bekitildi. Árıne, Strategııa qazir álemde bolyp jatqan ózgeristerdi kórsetedi. Bul bıologııalyq qaýipsizdikke baılanysty jáne qazirgi koronavırýs pandemııasymen kúresý ǵana emes, ekonomıkalyq, tehnologııalyq qaýipsizdik máseleleri de bar. Biz pandemııanyń ekonomıkalyq jaǵdaıǵa, halyqaralyq saýdaǵa qalaı áser etkenin kórip otyrmyz. Munyń bári – óte mańyzdy aspektiler. Qazaqstan ekonomıkasy úshin osyndaı syn-qaterler men qaýipterdi toqtatýǵa daıyn bolýymyz kerek. Qazir de barlyq elder ózderiniń qaýipsizdik strategııalaryn qaıta qarastyryp jatyr jáne Qazaqstan álemde bolyp jatqan jaǵdaılarǵa ún qata otyryp, alǵashqylardyń qatarynda boldy», - deıdi S. Kóshkimbaev.
Sarapshy Strategııada aldaǵy 5 jylǵa ekonomıka men halyqaralyq qatynastardaǵy ózgerister boıynsha boljam beriletinin atap ótti. Bul qujat memlekettik basqarýdyń barlyq júıesin jáne búkil qoǵamdy túrli daǵdarystyq qubylystardyń aldyn alýǵa jáne toqtatýǵa baǵyttaıdy. Strategııa «jeke tulǵanyń qaýipsizdigi - qoǵamnyń qaýipsizdigi - memlekettiń qaýipsizdigi» úshtaǵanyn qamtıdy jáne ol memlekettik organdardyń saraptamalyq pikirleri men usynystaryn eskere otyryp, muqııat pysyqtalǵan qujat. Tutastaı alǵanda, Strategııa «halyq únine qulaq asatyn memleket» qaǵıdattarymen, Prezıdent Qasym-Jomart Toqaev júrgizip otyrǵan saıasatpen sáıkes keledi jáne ekonomıkanyń turaqtylyǵyn arttyrýǵa, onyń shıkizattyq baǵdarynan alshaqtaýǵa, básekege qabiletin arttyrýǵa, aqparattyq-kommýnıkatsııalyq salany damytýǵa baǵyttalǵan.
Sonymen birge S.Kóshkimbaev azyq-túlik qaýipsizdigi ekonomıkalyq qaýipsizdiktiń negizi ekenin ján aýyl sharýashylyǵy sektoryn damytýǵa jáne turaqtylyǵyn arttyrýǵa basa nazar aýdarylýy tıis ekenin atap ótti.
«Qazaqstan úshin sý qaýipsizdigi máselesi de óte ózekti jáne ol halyqaralyq qatynastarmen tyǵyz baılanysty, óıtkeni eldegi sýdyń kóp bóligi kórshi elder aýmaǵynda qalyptasady. Sondyqtan kórshilermen, eń aldymen Reseımen jáne Qytaımen qarym-qatynas ornatý óte mańyzdy. Jalpy alǵanda jaqyn arada halyqaralyq qatynastar júıesi týrbýlenttikke ushyraıdy dep kútilýde, bul kóbinese halyqaralyq arenadaǵy jahandyq oıynshylardyń qaıshylyqtaryna baılanysty. Mundaı jaǵdaılarda Qazaqstanǵa syrtqy saıasatta ýaqyt synynan ótken kópvektorlyqqa negizdelgen jáne ulttyq múddelerdi qorǵaý men ilgeriletýge tıimdi naqty baǵdarlar bolýy qajet», - deıdi Sanat Kóshkimbaev.
Aıta keteıik, Memleket basshysy Qasym-Jomart Toqaev «Qazaqstan Respýblıkasynyń 2021-2025 jyldarǵa arnalǵan Ulttyq qaýipsizdik strategııasyn bekitý týraly» Jarlyqqa qol qoıdy.
