"Qazaqstan: ulttyq ıdeıa jáne dástúrler" dep atalatyn jańa kitap jaryq kórdi
ALMATY. 19 qazan. QazAqparat /Erlik Erjanuly/ - Ulttyq ıdeıada jańadan esh nárseni oılap tabýdyń qajeti joq. Ony "Aspandaý" ǵylym-bilim qorynyń prezıdenti Qanat Nurov búgin Almatyda "Aıt-PARK" qoǵamdyq-saıası ıntellektýaldyq klýbynda "Qazaqstan: ulttyq ıdeıa jáne dástúrler" dep atalatyn kitabynyń tusaýkeserinde aıtty.
Qanat Ilıaulynyń bul zertteý eńbegi"VOX POPULLI" baspasynan 2 myń danamen jaryq kórgen. Ol - "Dástúrli qurylym: máseleler men ádis", "Qazaqstannyń dástúrli qurylymdary", "Qazaqstannyń dástúrli qurylymdarynyń HІH-HH ǵasyrlardaǵy transformatsııasy men deformatsııasy", "Qazaqstannyń dástúrli qurylymdarynyń HІH-HH ǵasyrlarda shet elderde jańarýy" degen 4 taraýdan turady.
"Ulttyq ıdeıa týraly jurtshylyq arasynda ártúrli pikir aıtylyp júr. Ol ózi bizge kerek pe dep júrgender de bar. Meniń oıymsha, ultyq ıdeıa jalpy júıe retinde bar jáne ómir súrip jatyr. Ulttyq ıdeıasyz qoǵamnyń bolýy múmkin emes. Ol adamdardy shoǵyrlandyrady", - deıdi Q.Nurov.
