Qazaqstan Ulttyq geografııalyq qoǵamy turan jolbarysyn qaıta oraltpaq
ASTANA. QazAqparat - Qazaqstan Ulttyq geografııalyq qoǵamy elimizde turan jolbarystary popýlıatsııasyn qalpyna keltirýdi josparlap otyr. Bul týraly búgin OKQ brıfınginde Qazaqstan Ulttyq geografııalyq qoǵamy Basqarý keńesiniń tóraǵasy Qanat Baıǵarın málimdedi.
«Biz quryp ketken jolbarys túrin qaıtadan qalpyna keltirý boıynsha mańyzdy bastamany qolǵa aldyq. Iá, bul ambıtsııalyq joba, degenmen qazir Reseıde jolbarystar bar, Iranǵa da qaıta oraldy. Sondyqtan. meniń oıymsha, bul jobany iske asyrýǵa bolady jáne Qazaqsanda bolashaqta turan jolbarysy burynǵydaı ómir súre alady», - dedi Q. Baıǵarın.
