Qazaqstan ulttyq ekonomıkasynyń qýatty qory bar - MMÝ rektory Vıktor Sadovnıchıı
ASTANA. QazAqparat - Álemdik kúrdeli ekonomıkalyq jaǵdaıda devalvatsııa júrgizý Qazaqstannyń damý qarqynyna sáıkes keledi. Bul týraly M. Lomonosov atyndaǵy Máskeý memlekettik ýnıversıtetiniń rektory Vıktor Sadovnıchıı RF-daǵy qazaqstandyq BAQ ókilderimen kezdesý barysynda aıtty.
"Menińshe, bul jerde alańdaıtyndaı eshteńe joq. Qazir kúrdeli úrdister júrip jatyr. Eýropanyń jaǵdaıyn kórip otyrsyzdar, aldaǵy ýaqytta qalaı bolmaq? Kóptegen eýropalyq elder materıaldyq turǵyda reseılikterge qaraǵanda, qıyn jaǵdaıda ekeni eshkimge qupııa emes. Osynyń ózinen-aq máseleni baıyptaýǵa bolady", - dedi MMÝ rektory. "Qazaqstannyń strategııasy bar, ekonomıster júrgizilgen devalvatsııaǵa baǵa berýi tıis. Jalpy alǵanda, tutastaı álemdegi kúrdeli ekonomıkalyq jaǵdaıda bul ekonomıkalyq damýdyń qalypty úrdisi", - dedi V. Sadovnıchıı. «Sizdiń el kóptegen máseleler boıynsha, aıtar bolsaq, banktik júıede, korporatsııa qurýda, qarjy basqarýda alǵashqy batyl qadamdarǵa bardy. Qazaqstannyń qýatty qory bar ekenine senimdimin», - dep sózin aıaqtady ýnıversıtet rektory.
