Qazaqstan ulttyq arnasynda - jańa jobalar! VIDEO
ASTANA. 23 qyrkúıek. QazAqparat - Qazaqstan ulttyq arnasy óz kórermenderine «Áıel baqyty» men "Uljan" atty jańa jobalar usynady. "Áıel baqyty" tok-shoýyn dúısenbi-juma aralyǵynda, saǵat 14:55-te tikeleı efırde tamashalańyzdar.
Qazirgi qazaq áıeli qandaı bolýy kerek? Zamanynyń názik jandary otbasynda qandaı jar, qandaı ana, qoǵamda qanshalyqty belsendi? Elimizdegi genderlik saıasat, qazaq hanymy, isker jandardyń jetistigi osy jobada qamtylady. Bir qolymen besikti, bir qolymen álemdi terbetetin áıelderdiń bedeli, otbasyndaǵy kúıi, áleýmettik jaǵdaıy, bala tárbıesindegi mańyzy, erli-zaıyptylardyń búgingi bolmysy osynda qozǵalady. Kerekti keńes, ádemiliktiń qupııasy, sán jáne t b. máseleler kóteriledi.
Uljan» - Qarapaıym qazaq otbasyndaǵy hıkaıany baıandaıtyn, shynaıy oqıǵa men qazaqı dramany oraılastyra baıandalatyn týyndy. Bas keıipker - táýelsizdik jyldary moınyna úlken júk artqan, keıinnen úlken jetistikterge jetip, naǵyz dáýletti kásipkerge aınalǵan qazaqtyń kelinshegi. Ómirdiń aşysy men tuşysyn qatar alyp júrip, balalaryn tárbıelegen, týǵan-týystyń arasyndaǵy bedelin de oılaǵan ananyń beınesi. Búgingi qoǵamda áıeldiń alatyn orny men shynaıy ómirden alynǵan oqıǵalarǵa toly hıkaıa.
