«Qazaqstan» ulttyq arnasynda - jańa joba
ASTANA. 14 tamyz. QazAqparat - «2013 jyldyń 2 qyrkúıeginen bastap, ár dúısenbi saıyn saǵat 19.00-de Ulttyq arna efırinen «Zań jáne biz» atty jańa baǵdarlama kórermenderge jol tartpaq» - dep habarlady «Qazaqstan» AQ» respýblıkalyq teleradıo kesheniniń baspasóz hatshysy Tanakóz Tolqynqyzy.
Baǵdarlamanyń maqsaty - zań salasyna qatysty problemalardy talqylaıtyn alań uıymdastyrý. Oǵan kásibı zańger, prokýratýra mamany, sýdıa, sot oryndaýshylary, qoǵamdyq qor ókilderi shaqyrylyp, kóterilgen taqyrypty talqylaýǵa qatysatyn bolady.
Baǵdarlamanyń júrgizýshisi - Dosymbek Qonysbekuly.
Osy oraıda, tolǵandyrǵan máseleler boıynsha, (7273)93-23-35 telefon nómiri arqyly habarlasýǵa bolady.
