«Qazaqstan» ulttyq arnasynda «Qazaqstan Daýysy» jańa telejoba usynylady
ASTANA. 22 shilde. QazAqparat - Jaqynda «Qazaqstan» ulttyq arnasynda «Qazaqstan Daýysy» atty jańa telejoba efırge jol tartady,
dep habarlady «Qazaqstan» AQ» respýblıkalyq teleradıo kesheniniń baspasóz hatshysy Tanakóz Tolqynqyzy.
Bul televızııalyq shoý alǵash ret Nıderlandtyń RTL4 telearnasynda «The Voice of Holland» degen atpen jaryqqa shyqqan bolatyn. Álemniń birneshe eline tarap kópshiliktiń yqylasyna bólengen telejoba búginde qazaq án álemine kelip jetti. Tyń jobanyń basty maqsaty - el arasynda júrgen asqaq daýysty, jeztańdaı ánshilerdiń arasynan eń myqty degen daýysty tańdap alý.
Jobaǵa 18 ben 45 jas aralyǵyndaǵy kez kelgen ónerpaz qatysa alady. Іrikteý elimizdiń birneshe qalasynda ótedi. 24 shildede Semeı qalasynyń mádenıet úıinde (Momyshuly kóshesi 43-úı), 26 shildede Astanada, «Opera» karaoke klýbynda (Qorǵaljyn tas joly 2 «A»), 27 shildede Aqtóbede, Ǵ.Jubanova atyndaǵy Aqtóbe oblystyq fılarmonııasynda (Pobeda kóshesi 31-úı), 28 shildede Aqtaý qalasynyń Abaı atyndaǵy oıyn-saýyq kesheninde (4-yqshamaýdan, 77-ǵımarat) jáne 3 tamyz kúni Almaty qalasynda(Tóle bı kóshesi 296 «A», Ótegen batyr kóshesiniń qıylysy) irikteý ótedi. Іrikteýge qatysýshy jeke kýálik pen onyń eki dana kóshirmesin alyp kelýi qajet.
Bul telejoba qazaqtyń ánsúıer qaýymynyń júregine jol tartatyn naǵyz óner saıysy bolmaq. Telejobaǵa qatysyp, baǵymdy synaımyn degen úmitkerler Almaty qalasyndaǵy (8727) 266-81-05 telefony nemese www.thevoice.kz saıty arqyly tolyq aqparat alýyna bolady.
-0-
