«Qazaqstan» Ulttyq arnasynda "ÁN JUMBAQ" atty jańa joba jaryqqa shyǵady

 «ÁN JUMBAQ» - qazaqstandyq kórermen buryn-sońdy tamashalaǵan barlyq áýendi jobalardan ózge, tyń tynysty joba. Endi árbir kórermen súıikti juldyzyn án áleminde synǵa túsken oıynshy retinde kóre alady. Sonymen qatar súıikti ánderin birge shyrqaı alady. Shyrqap qana qoımaı, qyzyqqa toly oıynnyń kýási bolyp, tek kóterińki kóńil-kúıdi qoldaıtyn habardyń qazanynda birge qaınaıdy.

  «ÁN JUMBAQ» dýmanynyń basty maqsaty - qazaq kórermenin eń tańdaýly ándermen sýsyndatý, kúndelikti kúıbeń tirlik arasynda adamnyń janyn jyly shýaqqa bóleı alatyn mýzykamen ár otbasynyń shańyraǵyna shýaq shashý, qazaq ánderin ústirtin shyrqatyp qana qoımaı, onyń tarıhyn zerttetip, mátinine úńildirý. Osy arqyly el tarıhynda eleýli oryn alatyn ánder, ár azamattyń tirligimen bite qaınasqan ánder bar bolmysymen, bar qudiret-qýatymen óz tyńdarmanymen qaýyshady. Qazaq ániniń, óleńiniń qudireti, oryndaýshylarynyń sheberligi ashylmaǵan qyrlarynan kórinetin bolady. Joǵaryda aıtyp ótkenimizdeı, mýzykalyq bilimderin ortaǵa salyp, báıgege túsetinder - qalyń kórermenge keńinen tanymal artıster. Al olardyń tobynda ózderi tańdap alǵan kómekshileri bolatyn - otbasy, dostary, jankúıerleri. Eki top birneshe aınalymnan turatyn oıynda qazaq mýzykasynyń jaýharlaryn qanshalyqty jaqsy tanıtyndaryn kórsetedi. Saıystaǵy 4 aınalym óz erekshelikterimen ár kórermen jadynda kópke deıin saqtalýdy kózdeıdi. Mundaı dodada tek shyn bilimpaz jáne naǵyz mýzykajandy oıynshylar jeńiske jete alady.
«ÁN JUMBAQ» telesaıysynda artıster ótetin syn saǵatty Jubanysh Jeksenuly basqarady. Mýzyka bilimpazdarynyń arasynda Luqpan Joldasov, Jeńis Seıdollauly, Seıfýllın Jolbarys sııaqty ánshi-sazgerler, Sáken Maıǵazıev, Murat Qoja, Mádına Sádýaqasova syndy tańdaýly oryndaýshylar jáne Amangeldi Seıithan, Gúlmıra Daırabaı, Nurlan Álimjan sııaqty zamanaýı televızııa juldyzdary bar.
Baǵdarlamany sapaly áýenmen árleıtin - «Studio 54» ansambli jáne jas ánshi Dınara Qaıyrǵoja. Jaqynda olardyń «Ókpe» dep atalatyn ánderi jaryqqa shyǵyp, tyńdarman arasynda keńinen tanymal boldy. Ansambl - shoý-bıznes álemine jańadan kelse de, mýzyka áleminiń jiligin shaǵyp úlgergender. Talantty mýzykanttar kórermenge umytylmas kesh syılaıtynyna kepildik beredi.
Baǵdarlama dúısenbiden beısenbige deıin, saǵat 15:20-da (túngi ýaqytta qaıtalaýymen) efırge shyǵady.