«Qazaqstan» ulttyq arnasynda «Alash alyptary» jobasynyń tusaýkeseri!
ASTANA. 30 qarasha. QazAqparat - «Qazaqstan» ulttyq arnasynda zamanynyń zańǵar tulǵalary, tańbaly tarıh, aıtylmaǵan aqıqat, ultymyzdyń ulyqtary jaıynda túsirilgen «Alash alyptary» jobasynyń tusaýkeseri bolady.
Bul týraly «Qazaqstan» ulttyq arnasynyń baspasóz qyzmeti habarlady.
12 fılmnen turatyn «Alash alyptary» derekti fılmder jelisinde ultymyzdyń uly tulǵalarynyń ómiri, oılary, isteri jaıynda baıandalady. Qazaq halqynyń birligi men tutastyǵyn kóksegen, ulttyq bolmysymyzdyń qalyptasýy men egemendigi jolynda ómirin sarp etken tuǵyrly tulǵalarymyz jaıynda bolmaq.
1 jeltoqsannan bastap, ár senbi saıyn saǵat 13.15-de «Qazaqstan» ulttyq telearnasynan jiberip almańyzdar!
