«Qazaqstan» ulttyq arnasynan «Tańqaldyrǵan jańa jyl» shoýyn tamashalańyzdar

«Tań qaldyrǵan jańa jyl» atty teleshoýdyń avtory - belgili ýkraınalyq rejısser, prodıýser Alan Badoev. Jobanyń jelisi boıynsha mýzykalyq komedııanyń úsh basty keıipkeri - bolashaqtan kelgen ýaqyt saqshylary-polıtseıler: Dýlyǵa (basty keıipkeri, ıisshil), Azamat (qyraǵy kóz) jáne Janatbek (saq qulaq). Olar 2116 jylda ómir súrip, óziniń aıryqsha dızaınymen (keıbir tustary kıiz úıge uqsastyryp jasalǵan) jáne ınnovatsııalarymen kórermenderdi tań-tamasha qaldyratyn ushatyn tárelkede qyzmet etedi. Bolashaq meımandary qorshaǵan keńistiktegi ózderin qyzyqtyrǵan nysandardy fantastıkalyq tússiz monıtor arqyly baqylap otyrady. Bul sátte monıtordaǵy kórinister ýaqyt boıysha jyljyp otyrmaq. Keıipkerlerdiń basty maqsaty - jańa jyldy qarsy alýǵa kedergi jasaıtyn ózge planetalyqty ustap alý. Ony izdeý barysynda ýaqyt saqshylary monıtor arqyly Astanadaǵy jańa jyldyq kórinisti baqylap otyrady. Olar sahnadaǵy barlyq ártisterdi jiti qadaǵalyp, ózge planetalyqty ustap alýdyń barlyq amaldaryn jasaıdy. Ýaqyt saqshylaryna basqa ýaqyt pen keńistikke kóshýge (teleportatsııa) de týra keledi. Shıelenisken oqıǵanyń syry sońynda sheshimin tappaq.

Alla Pýgacheva, Dmıtrıı Hvorostovskıı, Avraam Rýsso, Verka Serdıýchka, Valerııa, Janna Frıske, Fılıpp Kırkorov, Maks Barskıh syndy reseı estradasynyń tanymal juldyzdaryna 70-ten astam beınebaıan túsirip, óz isiniń has sheberi atanǵan Alan Badoev ulttyq arna kórermenderine usynǵan jańa jyldyq jobasy ózge arnalarda kórsetiletin jobalardan erekshe bolmaq. Bul Alan Badoevtyń Qazaqstan kórermenderimen alǵashqy qaýyshýy emes. Buǵan deıin talantty prodıýser almatylyqtarǵa TMD men Eýropanyń mýzykalyq arnalarynda aıryqsha tanymaldylyqqa ıe bolǵan ZDance horror-mıýzıklin usynsa, Astana qalasynda Tımýr Bekmambetovtiń kınofestıvaline qatysqan.

Shoý avtorlary dástúrli «kógildir alaý» formatyndaǵy ústel basyndaǵy otyrystar men dıalogtardan bas tartyp, qarqyndy sıýjet jelisinde túsirgen. Ártister erekshe talǵammen bezendirilgen dekoratsııa, jaryq qoıylymy jáne fontanmen jabdyqtalǵan birneshe sahnalarda óner kórsetedi. Árbir nómirdi Alan Badoev beınebaıan retinde túsirdi. Árbir kadr ınnovatsııalyq boıaýmen qanyqqan. Máselen, sahnada birde «tiri eskertkishter», gologrammalar usynylsa, endi birinde Bahtııar Taılaqbaev otty mıkrofonmen án aıtpaq. Ánshi Juldyz úlken aınalmaly aına tireýde turyp, ózge planetalyq tárizdi sáýle taratyp, án aıtady. Juldyz IL KANTO tobymen birge óner kórsetpek. Keıbir estrada juldyzdary sahnaǵa jańa beınede shyqpaq. Máselen, Mádına Sádýaqasova, «Alashuly» toby 60-jylǵy epatajdy stılde óner kórsetedi. Budan basqa jobada - kóńildi bı, kútpegen dýetter men ózge de tosyn syılar bolady. Óner kórsetýshilerdiń qatarynda - Roza Rymbaeva, Eskender Hasangalıev, Lakı Kesoglý, Paskal, Nýrlan Abdýlın, Nagıma Eskalıeva, Aıgýl Imanbaeva, Berkýt, Aısha, Ardak Balajanova, Almas Kıshkenbaev, Ýlykpan Joldasov, Makpal Isabekova, «Orda», «KeshYou», «RINGO» toptary jáne t.b. bar.

Basty róldegi Dýlyǵanyń rólin «Qyz jylaǵan», «Synyptastar» «Birjan Sal», «Agent Z» fılmderi arqyly tanymal bolǵan Dýlyǵa Akmolda somdaıdy. Sonymen qatar, ol 30-ǵa jýyq anımatsııalyq fılmderdi dybystaǵan, sonyń ishinde Disney-Pixar usynǵan «Qubyjyqtar ýnıvesıteti» anımatsııalyq mýltfılmindegi Maık Vazovskııdiń dýblıajyn jasady. Janatbektiń rólinde - belgili akter, telejúrgizýshi, rejısser Janat Báıtekov, Azamattyń rólin «Paryz», «Baqsy» fılmderi arqyly tanylǵan akter Azamat Satybaldy somdaıdy.

31 jeltoqsan saǵat 22.15-te «Qazaqstan» Ulttyq telearnasynan «Tańqaldyrǵan jańa jyl» oıyn-saýyq dýmanyn tamashalańyzdar!