Qazaqstan ulttyq arnasy jańa maýsymda kórermenderdi jańa jobalarymen qýantýǵa asyǵady

Kósh bastaýdyń taǵy bir qupııa syry - telearna jyl saıyn kórermendi eriksiz baýrap alatyn jańa jobalar oılap tabýda. Bıylǵy kúzde de halyqtyń súıikti arnasy óz kórermenderin kózaıym jobalarymen qýantýǵa asyǵady. Jańa maýsymda «Qazaqstan» UTA buryn sońdy bolmaǵan mega-jobalar, aqparattyq-saraptamalyq, derekti-tanymdyq jobalar, jańa tok-shoýlar men kóńil jadyratatyn oıyn-saýyq jáne mýzykalyq sazdy baǵdarlamalaryn usynady. Qyrkúıek aıynda kórermenniń erekshe suranysyna ıe bolǵan otandyq telehıkaıalardyń jańa bir leginiń tusaýy kesiledi. Siz otandyq telehıkaıalarmen birge álemniń ozyq kınokompanııalary túsirgen kórkem kınotýyndylar men derekti fılmderdi tamashalaı alasyz. Kúzdiń kóńilsiz kúnderin jazdyń jasyl álemine aınaldyrǵyńyz kelse, «Qazaqstan» ulttyq arnasynan ajyramańyz. Jańa maýsymda «Qazaqstan» UTA usynatyn jańa jobarlarǵa qysqasha sholý jasasaq:

MEGAJOBALAR

Ulttyq arna kórermenderi jańa maýsymda megajoba «Qazaqstan daýysyn» tamashalaı alady. Bul jáı talant-shoý emes, bul ǵajap daýys ıelerin anyqtaıtyn, olardy elge tanylǵan kúmis kómeılermen qatar qoıatyn tartymdy joba. Munda kásibı ánshiler baıqaý qatysýshylaryna ózderi kómektesip, bar bilgenderin úıretedi. Biraq óz shákirtterin qansha qoldap, jany ashyǵanymen eń myqtysyn tańdaýy kerek. Bul telejoba álemniń 35 elinde kórsetilip, barlyǵynda eń joǵary reıtıng jınady. Amerıkalyq nusqasynda ekran aldyna 37 mıllıonnan astam kórermendi jınap, barlyq telejobany artta qaldyrdy.

JAŃA JOBALAR

«Ulttyq-shoý» - keń aýqymdy mýzykalyq joba, kóńil-ashar shoýdy usynady. Ekranda bar, buryn bolǵan kópshilik mýzykalyq baǵdarlamalardan aıyrmashylyǵy sol - bir janrdy ǵana emes, kórermenniń alýan-túrli talǵamyn, qalaýyn eskere otyryp, 7 túrli baǵytty qamtıtyn habar jasalmaq. Olar: 1)Dástúrli án keshi; 2)Eýropanyń klassıkalyq mýzyka keshi; 3)Estradalyq án keshi; 4)Poezııa jáne bardtar keshi; 5)Bı keshi; 6)Etno-folk janryndaǵy án men mýzyka keshi; 7)Retro ánder keshi. ıAǵnı, kez-kelgen kórermen kóńiline jaǵatyn janrdy Ulttyq arna efırinen taba alady.

Taǵy bir jańa joba «Túngi shoý Nurlan Qoıanbaevpen» dep atalady. Bul jobanyń ózge baǵdarlamalardan ereksheligi - jobada oryndy qaljyń arqyly saıası synaýlar men oılandyrar saýaldar bolady. Baǵdarlama júrgizýshi men kelgen qonaqty jandy daýysta ár túrli mýzykalyq aspapta oınaıtyn top súıemeldep otyrady. Baǵdarlama aptasyna 4 ret jaryqqa shyǵady.

Qyrkúıek aıynda kórermenge «Áıel baqyty» atty jańa tok-shoý kórsetiledi. Bir qolymen besikti, bir qolymen álemdi terbetetin áıelderdiń bedeli, otbasyndaǵy kúıi, áleýmettik jaǵdaıy, bala tárbıesindegi mańyzy, erli-zaıyptylardyń búgingi bolmysy osynda qozǵalady. Kerekti keńes, ádemiliktiń qupııasy, sán jáne t b. Máseleler kóteriledi. Jańa tok shoý tikeleı efırde aptasyna 5 ret kórsetiledi. Bul baǵdarlamanyń ereksheligi - kórermender tikeleı efır kezinde de, efırden tys ýaqytta da óz sýaldaryn telefon arqyly nemese elektrondy pochta arqyly joldaı alady.

Kúzde kórermender «Sheteldegi qazaq balalary» atty derekti tanymdyq jobany tamashalaı alady. «Sheteldegi qazaq balalary» serııalyq reportajynyń elimizdegi basqa arnalarda balamasy joq, «Qazaqstan» UTA bastamasymen Qazaqstanda Respýblıkasynda tuńǵysh qolǵa alynǵan joba. Baǵdarlamanyń negizgi maqsaty shetel azamattary asyrap alǵan qazaqstandyq balalardyń taǵdyrynyń qalaı órbigenin kórsetý.

«Bilgirler otaýy» da ulttyq arnanyń jańa jobay. Qazaqta burynnan kele jatqan: «Bilimdi myńdy jyǵar» degen naqyl sóz bar. «Bilgirler otaýy» baǵdarlamasyna qatysýshy keıipkerler bilgirlikterimen qosa ózderiniń tabıǵı - jyldamdyq, ishki túısik syndy qasıetteri men túsinistik, bir-birine arqaý bolyp, súıenish arta bilý qabiletterin kórsetedi.

Ulttyq arna óz kórermenderin dástúrli mýzykasymen qulaq quryshyn qandyrýǵa asyǵady. «Qulaqtan kirip boıdy alar» tanymdyq etno-mýzykalyq fılmi aptasyna bir ret kórsetiledi. Ulttyń birtutastyǵyn saqtaǵan mańyzdy element - halyq folklory. Mýzykalyq fılmniń ár serııasynda qazaq halqynyń salt-dástúrleri týraly baıandalady. Dástúr - kez-kelgen halyqtyń ajyramas, birtutas, aıqyndaýshy bólshegi. Syr ólkesi, batys maqamy men Jetisý óńiri án mektebi t.b Qazaqstannyń birin biri qaıtalamaıtyn dástúrli án óneri nasıhattalady.

«Zań jáne biz» atty tikeleı efırde júrgiziletin jańa baǵdarlama jaryqqa shyǵady. Baǵdarlamanyń maqsaty - zań salasyna qatysty problemalardy talqylaıtyn alań uıymdastyrý. Oǵan kásibı zańger, prokýratýra mamany, sýdıa, sot oryndaýshylary, qoǵamdyq qor ókilderi shaqyrylyp, kóterilgen taqyrypty talqylaýǵa qatysatyn bolady. Baǵdarlama tikeleı efırde júretindikten kórermender kókeıinde júrgen suraqtaryn baǵdarlama barysynda qoıýǵa bolady.

Sonymen qatar, osy maýsymda «Siz ne deısiz?» atty jańa baǵdarlama kórsetiledi. Mádenı jáne rýhanı máselelerdi erkin talqylaıtyn baǵdarlama. Stýdııaǵa zııaly qaýym ókili shaqyrylady.

«Málim de beımálim Qazaqstan» tanymdyq jobasy. Atyraýdan Altaıǵa deıingi atyrapty alyp jatqan qazaq dalasynyń injý-marjandary sanalatyn tabıǵaty tylsym jerler jaıly tolyqqandy aqparat beredi. Júrgizýshi elimizdi sharlap, buryn sońdy málim bolmaǵan ne umytylyp bara jatqan faktilerdi anyqtap, kórermenge baıan etedi.

«Myń túrli mamandyq» aqparattyq tanymdyq baǵdarlamasyn kórýge keńes beremiz. Baǵdarlamanyń maqsaty ártúrli mamandyqtyń qyr-syryn, óz salasynyń kásibı mamany atanǵan adamdardyń ómirin kórsete otyryp durys mamandyq tańdaýǵa jáne óz kásibine degen súıispenshiligin arttyrýǵa kómektesý. Eki mamandyq ıesi bir birimen oryn aýystyryp, óz basynan ózine beımálim jańa mamandyqtyń qıyndyqtary menn qyzyqtaryn bólisedi. Mysaly dáriger bir kún boıy órt sóndirý qyzmetkeri bolyp kóredi.

Jańa maýsymda «Tarıh tolqynynda» atty erekshe joba jaryq kórmekshi. Halyqtyń tarıhı dúnıetanymyn ózimizdiń ulttyq tarıhymyz arqyly kemeldendirý, ári álemdik tarıhnamadaǵy san ǵasyrlyq qazaq tarıhynyń kókjıegin keńeıtýdiń asa mańyzdylyǵy memleketimizdiń aldyna qoıǵan úlken mindetteriniń biri bolyp tabylady. Ulttyq tarıh máselelerimen kópten beri jáne naqtyly aınalysyp júrgen Memleket basshysy Nursultan Ábishuly Nazarbaev «Tarıh tolqynyndaǵy halyq» degen atpen tarıhı zertteýlerdiń arnaýly baǵdarlamasyn jasaýdy usyndy. Usynylyp otyrǵan «Tarıh tolqynynda» telejobasy Memleket basshysynyń

- Qazaqstannyń tarıh ǵylymynyń aldyńǵy qatarly ádisnama men ádisteme arqaýynda sapalyq sekiristi júzege asyrýyna jaǵdaı jasaý;

- Qazaqtardyń ulttyq tarıhynyń kókjıegin keńeıtý, ulttyń jańa tarıhı dúnıetanymyn qalyptastyrý;

- Qazaqstannyń jańa tarıhynyń jıyrma jylynyń mánin paıymdaý baǵyttaryna qurylǵan atalǵan baǵdarlamanyń basty maqsattaryna aqparattyq turǵyda qoldaý kórsetý, júzege asyrý ıdeıasy negizinde týdy.

Sondyqtanda qazirgi tańdaǵy Otandyq tarıh ǵylymynyń damýy men ósýin baǵamdaý maqsatynda, sondaı-aq ulttyq tarıhty qazirgi urpaqtyń sanasyna osy zamannyń paıym-túsinigi, qala berdi nasıhattaýdyń zamanaýı jańa múmkindikteri negizinde sińirý bizdiń azamattyq boryshymyz bolyp tabylady. Osylardy negizge ala otyryp «Tarıh tolqynynda» jobasynda tarıh ǵylymynda qajyrly eńbek atqaryp júrgen tarıhshy ǵalymdarmen birlese otyryp, Otandyq BAQ arqyly qoǵamǵa tyń, ári tanymdyq aqparattar usyný jobanyń maqsatyna aınaldy.

«Ǵalamtor KZ» baǵdarlamasy - ǵalamtordaǵy eń úzdik vıdeo, veb-saıttardyń jańarǵan nusqalary, áleýmettik jelilerde talqylanǵan taqyryptar, jańa tehnologııalar salasyndaǵy ónimder (QR code), ǵalamtor arqyly alyp-satý, memlekettik oryndardyń ınternet arqyly jumys jasaýy (egov.kz, goszakup.kz), jalpy aldynda kompıýteri bar qazaq azamatyna álemdik jelini tanystyrýdy kózdeıdi.

Jańa maýsymda kórermender kózaıymyna aınalyp úlgergen «Aıtýǵa ońaı», «Alań», «Syý-suhbat», «Jarqyn beıne», «Kelbet», «Qylmys pen jaza», «Aqsaýyt», «Meniń Qazaqstanym», «Tańsholpan», «Jıhankez», «Telqońyr», «Jaıdarman», «Iman aınasy», «Jan jylýy», «Daýa», «Sport. KZ» «Kókpar» uttyq at sporty oıyny, «Tolaǵaı» baǵdarlamalaryn kórsetýdi jalǵastyramyz.

«Qazaqstan» UTA-da jańa maýsymda birneshe otandyq telehıkaıalardyń tusaýy kesiledi.

Qyrkúıek aıynda «Qazaqstan» ulttyq arnasy kóremenderine «Uljan» atty jańa otandyq telehıkaıany usynady. Qarapaıym qazaq otbasyndaǵy hıkaıany baıandaıtyn, shynaıy oqıǵa men qazaqı dramany oraılastyra baıandalatyn týyndy. Bas keıipker - táýelsizdik jyldary moınyna úlken júk artqan, keıinnen úlken jetistikterge jetip, naǵyz dáýletti kásipkerge aınalǵan qazaqtyń kelinshegi. Ómirdiń aşysy men tuşysyn qatar alyp júrip, balalaryn tárbıelegen, týǵan-týystyń arasyndaǵy bedelin de oılaǵan ananyń beınesi. Búgingi qoǵamda áıeldiń alatyn orny men shynaıy ómirden alynǵan oqıǵalarǵa toly hıkaıa. Sonymen qatar, jańa maýsymda «Olımp shyńy», «Suńqar», «Ustaz», «Ýchaskelik polıtseı», «Ápke», «Syrǵalym», «Sýdaǵy iz» atty qazaq jańa telehıkaıalardyń tusaýy kesiledi.

Elimizdiń túkpir-túkpirinde halyq arasynda erlik kórsetip, batyrlyǵy, ójettigimen kózge túsip júrgen jandar jaıly derekti fılmder toptamasy «Janyńda júr jaqsy adam» da jalǵasatyn bolady. Sonymen qatar, ulttyq arnadan «Qazaq dalasynyń qupııalary», «Uly dala tarıhy», «Ult maqtanyshy» derekti fılmderin tamashalaı alasyzdar.

Jańa maýsymda «Qazaqstan» ulttyq teleshańyraǵyna, sátti kúnniń bastaýy, tamyry tereń tarıh pen dástúrli ónerdi dáriptegen kıeli ónerdiń kókjıegine tórletińiz! Ulttyq arna sizge jańa jobalarymen shashý shashýǵa asyǵady.