«Qazaqstan» ulttyq arnasy men «Kazsport» telearnasy fýtboldan Eýropa chempıonatyn kórsetedi (FOTO)
ASTANA. QazAqparat - «Qazaqstan» Ulttyq telearnasy men «Kazsport» telearnasy 10 maýsym men 10 shilde aralyǵynda Frantsııanyń 10 qalasynda ótetin fýtboldan UEFA EURO 2016 Eýropa chempıonatyn tolyq kórsetedi. Búgin «Qazaqstan» RTRK» tóraǵasy Nurlan Jalaýqyzy osy oqıǵaǵa oraı jýrnalıstermen kezdesti.
«15-shi Eýropa chempıonatynyń fınaldyq kezeńinde alǵash ret 24 qurama óner kórsetpek. «Qazaqstan» Ulttyq telearnasy týrnırdegi 51 kezdesýdiń 36-syn, «Kazsport» telearnasy 15-in kórsetedi. Sonymen qatar, barlyq matchtardyń qaıtalap kórsetilýi de «Kazsport» telearnasynda josparlanǵan», - dep habarlady N.Jalaýqyzy.
Negizgi translıatsııalardan bólek, UEFA EURO 2016 kezinde arnaıy stýdııalyq baǵdarlama josparlanýda. Árbir kezdesýdiń qarsańynda tikeleı efırge shyǵatyn joba barysynda júrgizýshiler men stýdııa qonaqtary Eýropa chempıonatynyń barysyn talqylap qana qoımaı, túrli konkýrstardy uıymdastyrýdy josparlaýda.
Aıta keteıik, on besinshi ret ótkizilgeli otyrǵan biregeı sporttyq týrnırdi kórsetý quqyǵyn «Qazaqstan» RTRK» AQ 2014 jyly satyp alǵan bolatyn.
