«Qazaqstan» ulttyq arnasy men «Hunan TV» birlesip jańa mýzykalyq joba shyǵarmaq
ASTANA. QazAqparat - «Qazaqstan» RTRK AQ jáne «Hunan» teleradıokorporatsııasy 2017 jyldyń 9 maýsymynda televızııa salasynda yntymaqtastyq pen ózara kelisim ornatý týraly memorandýmǵa qol qoıǵan bolatyn. Osyǵan baılanysty qazaqstandyq telejobalar Qytaı telearnalarynda kórsetiletin bolady, dep habarlaıdy QazAqparat.
Aıta keteıik, Hunan Television Qytaıdaǵy kórsetilimi eń joǵarǵy telearnalardyń arasynda ekinshi orynda tur. Ol Qytaı Halyq Respýblıkasynyń úlken bóligin ǵana qamtyp qoımaı, Gonkong, Makao sııaqty arnaıy ákimshilik aýdandar men Taıvan aralyna da taratylady.
«Sonymen qatar, «Qazaqstan» RTRK AQ baǵdarlamalary men jobalary «Mango TV» ınternet arnasynda kórsetiledi dep josparlanýda. Aıta ketsek, «Mango TV» óz kórermenderine kontenttiń barlyq janryn usynady. Olardyń ishinde túrli fılmder, telehıkaıalar, mýzyka, mýltfılmder jáne oıyn-saýyq baǵdarlamalar men qatar «Hunan» teleradıokorporatsııasy men Hunan Satellite TV-diń avtorlyq baǵdarlamalary da kórsetiledi. 2016 jyldyń kórsetkishine qaraǵanda, «Mango TV» ınternet arnasyna 39 mıllıonnan astam belsendi qoldanýshylar tirkelgen», - delingen baspasóz baıanynda.
Eki korporatsııa arasyndaǵy yntymaqtastyq sheńberinde jańa mýzykalyq jobany birlesip shyǵarý josparlanyp otyr. Bul rette maýsym aıynan bastap, tehnıkalyq - uıymdastyrýshylyq máseleler boıynsha qyzmet toptary men shyǵarmashylyq ujymnyń quramyndaǵy prodıýserler, rejısserler, operatorlar óz jumysyna kirisetin bolady.
Hunan tele-radıo habarlaryn taratý Korporatsııasynyń Prezıdenti Lıýı Hýanbın: «Mýzyka men telearna eki el arasyndaǵy dostyqty odan ári nyǵaıtady» dep aıtty.
Sondaı-aq, 2018 jyldan bastap, jyl saıynǵy Halyqaralyq «Taklimakan Rally» jol talǵamaıtyn mototsıklder jarysynyń túsirilimi Qazaqstan Respýblıkasynyń aýmaǵynda júzege aspaq. 2005 jyldan bastap «Taklimakan Rally» Qytaıdaǵy eń bedeldi mototsıklder jarysy bolyp sanalady jáne 2012 jyly Halyqaralyq avtomotosport federatsııasynyń statýsyn alǵan. Bul joba qazaqstandyq kontentti Qytaı eline keńinen shyǵarýdy jáne týrızmdi damytýdy kózdeıdi.
«Atalǵan kelisimder otandyq kontentti sheteldik televızııalyq naryqqa shyǵarýǵa baǵyttalǵan. «Hunan TV» telearnasymen ornatylǵan yntymaqtastyq «Qazaqstan» RTRK AQ aýdıtorııasyn keńeıtýge múmkindik beredi, - deıdi Korporatsııa basqarmasynyń tóraǵasy Erlan Qarın.
