«Qazaqstan» ulttyq arnasy kórermenderdiń múmkindigin keńeıtetin iPlay, iTube biregeı jobalaryn iske qosty

iPlay - bul kórermenderdiń teleónimderge sapaly qoljetimdiligin qamtamasyz etetin biregeı múmkindiktiń biri. iPlay jobasy teleekranǵa baılanystyrmaı-aq jahandyq ǵalamtor jelisinde erkin jáne operatıvti qoljetimdilik týraly bizdiń túsinigimizdi keńeıtedi.

Árbir qazaqstandyq smartfon nemese planshet arqyly óziniń súıikti hıkaıalaryn, fılmderin, baǵdarlamalaryn, sporttyq baǵdarlamalardy kórip, mýzykany tyńdaı alady, al balalar ózderiniń súıikti mýlfılmderin tamashalaı alady. Bul rette barlyq materıal joǵary sapada jáne túrli jarnamalyq úzilistersiz ornalastyrylyp, translıatsııalanady.

«Qazaqstan» respýblıkalyq teleradıokorporatsııasy óziniń bolashaq jáne áleýetti kórermenderine qaraı birinshi bolyp qadam jasady.

iPlay.kaztrk.kz-qa kirý úshin ýaqytyńyzdy bólip, tirkeýden ótý mindetti emes. «Qazaqstan» telearnasynyń logotıpi bar qosymshany júktep alsańyz bolǵany, bul óte yńǵaıly.

Óziniń súıikti baǵdarlamalaryn onlaın, tegin jáne jaqsy sapada qaraýdyń biregeı múmkindigine «Qazaqstan» telearnasynyń kórermenderimen qatar, «Balapan» jáne KAZsport telearnalarynyń kórermenderi de ıe bolady. Saıtta telearnalardyń efırlerinen alynǵan teleónimniń úlken toptamasy jınaqtalǵan. Saıt qory jańa serııalar men baǵdarlamalardyń jańa shyǵarylymdary shyqqan saıyn turaqty túrde tolyqtyrylyp otyrady.

Bizdiń barlyq úzdik jáne reıtıngi joǵary telejobalarymyz: telehıkaıalar, tok-shoýlar, alda kórsetiletin fılmder jáne baǵdarlamalardyń anonstary, álemdik kınoshedevrler, osynyń barlyǵy bir ınternet alańǵa toptastyrylǵan. Bul úshin www.kaztv.kz basty bettiń tómengi jaǵynda kórsetilgen iPlay.kaztrk.kz siltemesinen ótý jetkilikti.

iPlay.kaztrk.kz - bul ózińizdiń súıip kóretin baǵdarlamalar men fılmderińizdi ózińizge yńǵaıly ýaqytta jáne jarnamalyq úziliske bólinbesten kórý múmkindigi. Efır ýaqytyna úlgermeseńiz, qapy qalmańyz. Barlyq jobalardy iPlay.kaztrk.kz qosymshasynan kóre alasyzdar. Tek qana siltemeden ótý qajet.

iplay.kaztrk.kz qosymshasy ilki joba retinde ınternet redaktsııa úshin jańa bolyp tabylatyn dızaın júıesin paıdalanýmen 2014 jylǵy qyrkúıek aıynda iske qosyldy. Saıttyń artyqshylyqtarynyń biri beıimdelgen retteýmen jáne tez ún qatýmen mobıldi platformalardy tolyq qoldaý bolyp tabylady, bul saıt aýdıtorııasyn kóbeıtip qana qoımaı, izdeý robottary úshin saıtty ońtaılandyrýǵa múmkindik berdi. Qysqa merzim ishinde saıt keńinen qoldanyla bastady. Alǵashqy bir aıdyń ishinde saıtqa kirýshilerdiń sany bir táýlikte 10 000-ǵa deıin ulǵaısa, bir táýlik ishinde qaraý sany 40 000 myńdy qurady, bastartýlardyń sany tómengi kórsetkishke deıin azaıdy. Saıtty ortasha qaraý ýaqyty 4,5 mınýtty qurady, bul edáýir joǵary kórsetkish bolyp sanalady.

iPlay jobasyn ázirleý tájirıbesi osydan biraz ýaqyt buryn iske qosylǵan basqa biregeı joba iTube -ti ázirleý kezinde paıdalanyldy. Jańa joba tanymal Youtube qaǵıdaty boıynsha qurylǵan alǵashqy qazaqstandyq beınehostıngti bildiredi. Bul jobany tutynýshylardyń ózderi tolyqtyryp otyrady, ıaǵnı munda tek qana «Qazaqstan» RTRK» AQ ónimderin ǵana emes, sondaı-aq basqa da kóptegen ónimderdi tabýǵa bolady.

Qazirgi kezde «Qazaqstan» RTRK» AQ ınternet redaktsııasy iMusic biregeı jobasyn ázirleýde. Bul saıtta paıdalanýshylar óziniń súıikti týyndylarymen bólisip, olardy onlaın tyńdaı alady.

Sońǵy on jyl ishinde ǵalamtordyń bizdiń álemdi ózgertkeni sózsiz. Keshe ǵana qol jetkizýge múmkin bolmaıtyn nárseler búgingi kúni shyndyqqa aınaldy. Ǵalamtorda qoljetimdi kontenttiń sany eselep ulǵaıdy. Alaıda, sannyń ósýi sapa kórsetkishiniń ósýin ańǵartpaıdy. «Qazaqstan» RTRK» AQ ınternet redaktsııasynyń basty mindeti paıdalanýshylarǵa sapaly ónim usynyp, aýdıtorııanyń kúnnen kúnge ulǵaıyp kele jatqan qajettiligin qanaǵattandyrý bolyp tabylady.