«Qazaqstan» ulttyq arnasy «Ertuǵyryl» atty túrik telehıkaıasyn kórsetedi
ASTANA. QazAqparat - Búgin, 13 maýsymnan bastap «Qazaqstan» Ulttyq telearnasynda «Ertuǵyryl» atty túrik telehıkaıasy kórermenge jol tartady. Bul telehıkaıa Osman ımperııasynyń dáýiri men tarıhı tulǵa, túriktiń has batyry - Ertuǵyryl jaıynda bolmaq, dep habarlaıdy QazAqparat.
«Ertuǵyryl - І Osmannyń ákesi. Kórshiles jatqan talaı memleketterdiń záresin alǵan qas batyr. Onyń basty maqsaty basqynshylyq saıasatyn ustanǵan vızantııalyqtardy basyp alý boldy. Ertuǵyryl batyr osy maqsatyna jetkennen keıin de toqtap qalmaı, jaýgershilik saparyn jalǵastyryp, Azııa men Eýropanyń kóp bóligin ıelengen. Áıgili kósem dúnıeden ozǵansha taqtan taımaǵan. Al onyń urpaqtary ǵasyrlar boıy kóptegen memleketterdi basqarǵan. Ǵajaıyp telehıkaıadan álemge áıgili Osman ımperııasynyń uly kúshine tánti bolasyzdar», - delingen baspasóz baıanynda.
Telehıkaıa kórermenderdi tarıh qoınaýyna súńgitip, alpaýyt Osman ımperııasynyń qalyptasý jolymen, kóshpeli halyqtyń turmys-tirshiligimen, tarıhı joryqtarmen jáne eń bastysy, máńgilik mahabbat hıkaıasymen tanysýǵa múmkindik beredi.
Basty rólderde Engın Altan, Osman Soıkýt, Kaan Tashaner, Serdar Gekhan oınaıdy. «Ertuǵyryl» tarıhı telehıkaıasyn kórermender «Qazaqstan» ulttyq telearnasynan dúısenbi-juma kúnderi saǵat 22:35-te tamashalaı alady.
