Qazaqstan ulttyq quramasynyń burynǵy fýtbolshysy qaıtys boldy
ASTANA. KAZINFORM — Tanymal jattyqtyrýshy, Qazaqstan ulttyq quramasynyń burynǵy oıynshysy Aleksandr Lısın 55 jasqa qaraǵan shaǵynda ómirden ótti.
Aleksandr Lısınniń dúnıeden ozǵanyn «Astana» fýtbol klýby rastady. Klýbtyń málimetinshe, ol — Tselınograd fýtbolynyń túlegi. Fýtbolshy «Tselınnık», «Astana» jáne «Jeńis» klýbtarynyń namysyn qorǵap, Qazaqstan ulttyq fýtbol quramasynda óner kórsetken. Keıin Qazaqstannyń fýtzaldan ulttyq quramasynyń sapynda da oınady.
Lısın uzaq jyl boıy «Astana» fýtbol klýbynyń júıesinde eńbek etip, jas fýtbolshylardy tárbıeleýge jáne balalar men jasóspirimder fýtbolyn damytýǵa zor úles qosty.
«Astana» fýtbol klýby Aleksandr Lısınniń kásibı sheberligi, fýtbolǵa degen adaldyǵy jáne jas oıynshylardy baýlyǵan ólsheýsiz eńbegi el jadynda máńgi saqtalatynyn atap ótti.
Aıta keteıik, buǵan deıin OAR quramasynyń fýtbolshysy álem chempıonatynan keıin qaıtys bolǵanyn jazǵanbyz.
