Qazaqstan Ulttyq elektrondy kitaphanasyn qoldanýshylar sany 700 myńnan asty

ASTANA. KAZIFORM — Ulttyq elektrondy kitaphana 2007 jyly QR Ulttyq akademııalyq kitaphanasynyń negizinde QR Mádenıet jáne aqparat mınıstrliginiń jobasy retinde qurylǵan.

Mádenıet jáne aqparat mınıstrliginiń málimetine sáıkes, 2025 jyly kitaphana aıtarlyqtaı kórsetkishterge qol jetkizdi.

— Kitaphana qorynda 64 tilde qujat saqtalǵan, platformany 122 eldiń oqyrmandary paıdalanady. Olardyń qatarynda Qytaı, Reseı, AQSh, Germanııa, Ózbekstan, Túrkııa, Nıderland, Frantsııa, Qyrǵyzstan syndy elder bar. Al paıdalanýshylar sany 718 955-ke jetti. Qazaqstan Ulttyq elektrondy kitaphanasy qorynda kitaptar, maqalalar, dıssertatsııalar jáne aýdıo-vıdeo faıldar — jalpy 83 809 qujat júktelgen, — delingen habarlamada.

Aıta keteıik, barlyq materıalmen tirkelmeı-aq portalda tanysýǵa bolady.

Budan buryn Ulttyq elektrondy kitaphanany paıdalanýshylar sany 44% artqanyn jazǵan edik.