Qazaqstan Ulttar lıgasyn teń nátıjemen bastady
ASTANA. KAZINFORM — Qazaqstan ulttyq quramasy búgin fýtboldan UEFA Ulttar lıgasynda alǵashqy oıynyn Farer araldaryna qarsy ótkizdi.
Oıyn aldynda el quramasy sapynda birqatar qıyndyq kezdesti. Alǵan jaraqatyna baılanysty Maksım Samorodov, Dastan Sátpaev, Islam Chesnokov sekildi fýtboshylar kezdesýge qatysa almaıtyny belgili boldy. Sondyqtan Djon van ’t Skıp alǵashqy mınýttan Stas Pokatılov, ıAn Vorogovskıı, Nuraly Álip, Temirlan Erlanov, Aleksandr Mrynskıı, Baýyrjan Islamhan, Islambek Qýat, Dinmuhamed Qaraman, Ǵalymjan Kenjebek, Jasulan Ámir, Artýr Shýshenachev syndy shákirtterine úmit artty.
Alǵashqy mınýttan qos qurama birden shabýylǵa shyqty. Oıynnyń 15-mınýtta farerlik Okı Samýelsen esep ashsa, 26-mınýtta Temirlan Erlanov tarazy basyn teńestirdi.
Ekinshi kezeńde qarsylastar esepti ózgertýge tyrysty. Tolassyz shabýyl uıymdastyryp, gol soǵatyn múmkindikti izdedi. Soǵan qaramastan esep ózgerissiz qaldy.
Osylaısha Qazaqstan jáne Farer araldary quramalary 1:1 esebine qanaǵat bildirip tarasty.
Endi bul topta búgin, 26 qyrkúıekte Qazaqstan ýaqytymen 23:45–te Slovakııa — Moldova sheberlik baıqasady.
Qazaqstandyq fýtbolshylar 2024/25 jylǵy maýsymda V lıgasynda úshinshi topta alty kezdesýdiń beseýinde jeńilip, bireýinde teń oınady. Saldarynan óz tobynda tórtinshi oryndy mise tutyp, qaıtadan S lıgasyna túsip qaldy.
Aıta ketsek, budan buryn 2028 jyldan keıin UEFA Ulttar lıgasynyń formaty ózgeredi.
2028/29 jylǵy maýsymnan bastap Ulttar lıgasy árqaısysynda 18 quramadan turatyn úsh lıga formatyna kóshedi. Ár lıga alty qomandadan quralǵan úsh topqa bólinedi. Buryn quramalar tórt lıgadan turatyn dop dodasynda baq synaıtyn edi.
