Qazaqstan ultaralyq dostyq pen dinaralyq tatýlyq boıynsha aldyńǵy qatarly elderdiń bel ortasynda - B. Maılybaev

ASTANA. QazAqparat - Baılanys jáne aqparat qyzmetkerleri kúni qarsańynda Astanada Qazaqstan halqy assambleıasynyń ultaralyq qatynastar máselesi boıynsha Jetekshi jýrnalıster men sarapshylar klýbynyń otyrysy ótti.

Onda QHA qyzmetin nasıhattaý, Assambleıa jylyn BAQ-ta jan-jaqty kórsetý, ultaralyq tatýlyqty nyǵaıtý jolyndaǵy máseleler talqylandy.

«Eger biz Memleket basshysy aıtqandaı, álemdegi 30 damyǵan eldiń qataryna kirý maqsatyn alǵa qoısaq, onda ultaralyq jáne konfessııa aralyq tatýlyq boıynsha biz áldeqashan aldyńǵy qatarly elderdiń quramyndamyz dep tolyq senimmen aıta alamyz. Bul sharanyń da jýrnalıster kúni qarsańynda ótip jatqany jaqsy nyshan. QHA quramyndaǵy jýrnalıstik top ta óz jumysyn óte saýatty júrgizip keledi», - dep atap ótti QR Prezıdenti Ákimshiliginiń tóraǵa orynbasary Baǵlan Maılybaev. Otyrys barysynda klýb músheleri «Qazaqstan halqy Assambleıasynyń qoǵamdyq «Birlik» altyn medali» qoǵamdyq medalimen, qurmet gramotalarymen, alǵys hattarmen marpattaldy. Sonymen qatar, «Qazaqstan - dostyq besigi» atty fotokórme uıymdastyryldy.