Qazaqstan úlken ózgerister men túbegeıli reformalardyń qarsańynda tur - Zýpparhan Chaldanov
Depýtattyń sózinshe, endigi jerde Qazaqstandaǵy sóz bostandyǵy, baspasóz erkindigi, pikir alýandyǵy jańa deńgeıge kóteriledi.
«Memleket basshysy «Bizdiń azamattarymyzdy bılik pen qoǵam arasyndaǵy dıalogtyń damýy tolǵandyrady. Bul dıalog pikirlerdiń plıýralızmine qurylýy tıis. Biz kózqarasy men pikirleri ártúrli birtutas ult bolýymyz kerek. Basty baǵdarymyz - osy» dedi. Sondaı-aq, halqymyz «Syn túzelmeı min túzelmeıdi» dep tegin aıtpaǵan. Jaǵympazdyq, jaltaqtyq - bizdiń ultty jarǵa jyǵatyn qasıetsizdikter. Eldegi jaǵdaıǵa, túrli salalardaǵy kúrdeli problemalarǵa qatysty árbir azamat óz oıyn ashyp aıta bilýi kerek. Qasym-Jomart Kemeluly osyǵan jaǵdaı jasaıtynyn aıtyp, Ulttyq qoǵamdyq senim keńesi qurylatynyn jetkizdi»,- deıdi depýtat.
Zýpparhan Chaldanovtyń aıtýynsha, el ishinde óte kúrdeli problemalardy sheshýge degen umtylys kóńil qýantady.
«Problemalardyń bar ekenin moıyndap, onyń saldary qandaı bolatynyn túsinip, máseleni qarastyra bilý - úlken jaqsylyqtyń bastaýy. Bılik pen qoǵam problemalardy ózara ashyq talqylap, keńese otyryp sheshim qabyldap, birlese áreket etkende ǵana el damıdy. Bul qoǵamnyń turaqtylyǵy men halyqtyń birligin de nyǵaıta túsedi. Qasym-Jomart Toqaevtyń osy baǵytqa qaraı bet burǵanyna qýanyshtymyn»,- dedi oblystyq máslıhattyń depýtaty.
Foto: maslikhat.ontustik.gov.kz
