Qazaqstan UQShU oqý-jattyǵýlaryn ótkizýge daıyndyqqa kiristi
Atap aıtqanda, Qazaqstanda UQShU sheńberinde birneshe is-shara ótedi:
- jedel den qoıý ujymdyq kúshteriniń «Ózara is-qımyl – 2022» komandalyq-shtabtyq oqý-jattyǵýy;
- barlaý kúshteri men quraldarynyń «Іzdestirý – 2022» arnaıy oqý-jattyǵýy;
- materıaldyq-tehnıkalyq qamtamasyz etý kúshteri men quraldarynyń «Eshelon – 2022» arnaıy oqý-jattyǵýy.
Bas shtab bastyǵynyń orynbasary – QR Qarýly kúshteri Bas shtaby Jedel josparlaý departamentiniń bastyǵy Marat Aımashev 2022 jyly Ujymdyq qaýipsizdik týraly shart uıymy áskerleriniń birlesken oqý-jattyǵýlaryna daıyndyq boıynsha ekinshi shtabtyq kelissózder ótkizdi.
Onda Qazaqstan, Armenııa, Belarýs, Qyrǵyzstan, Reseı, Tájikstan, UQShU Hatshylyǵy men Birikken shtabynyń ókilderi negizgi uıymdastyrý máselelerin, onyń ishinde ulttyq kontıngentterdi jan-jaqty qamtamasyz etý jáne óristetý tártibin talqylady. Sondaı-aq oqý-jattyǵýlar ótkiziletin oryndarda boldy.
Josparlanǵandaı, UQShU-ǵa múshe memleketterdiń ulttyq kontıngentterin qaıta toptastyrýdy avtokólik, áýe jáne temirjol kóligimen júzege asyrylady.
Oqý-jattyǵý barysyn baqylaý úshin quramyna qorǵanys vedomstvolarynyń, quqyq qorǵaý qurylymdarynyń, Ulttyq ulannyń, tótenshe jaǵdaılardyń aldyn alý jáne olardyń saldaryn joıý salasyndaǵy ýákiletti organdardyń, Syrtqy ister mınıstrlikteri baspasóz qyzmetiniń ókilderin, akkredıttelgen jýrnalısterdi qosa otyryp, birikken baspasóz ortalyǵy óristetiletin bolady.
Aıta keteıik, UQShU oqý-jattyǵýlar jyl saıyn ótkiziledi. Qazaqstanda ótkiziletin úsh oqý-jattyǵýdan ózge, UQShU sheńberinde qazan aıynda Tájikstan Respýblıkasynyń aýmaǵynda Ortalyq Azııa óńiriniń jedel óristetý ujymdyq kúshteri bólimsheleriniń «Shep – 2022» birlesken oqý-jattyǵýyn, Qyrǵyz Respýblıkasynyń aýmaǵynda bitimgerlik kúshteriniń «Myzǵymas baýyrlastyq – 2022» komandalyq-shtabtyq oqý-jattyǵýyn ótkizý josparlanǵan.
